टीम लय भारी
कोल्हापूर : कोल्हापूरच्या स्वाभिमानी जनतेने कोल्हापूरच्या पोटनिवडणूकीच्या निकालातून भाजपच्या चुकीच्या राजकारणाला सडेतोड उत्तर दिले असल्याचे वक्तव्य काँग्रेस विधिमंडळ पक्षाचे नेते आणि महसूलमंत्री बाळासाहेब थोरात (Balasaheb Thorat) यांनी केले. कोल्हापूरमधील मधील स्वाभिमानी मतदारांनी भारतीय जनता पक्षाची दहशत, दडपशाही, प्रलोभनांना व धार्मिक ध्रुवीकरणाच्या अजेंड्याला न जुमानता महाविकास आघाडीच्या उमेदवार जयश्री जाधव यांना विजयी केले. हा विजय जनतेचा महाविकास आघाडीवर असलेला विश्वास अधोरेखित करतो, असे प्रतिपादन बाळासाहेब थोरात यांनी केले. (Balasaheb Tharatan defeats BJP in Kolhapur elections)
कोल्हापूर उत्तर विधानसभा निवडणुकीच्या निकालावर प्रतिक्रिया देताना थोरात म्हणाले की, भारतीय जनता पक्षाने कोल्हापुरच्या मतदारांवर ही निवडणूक लादली होती, जाधव कुटुंबियांच्या पाठीशी उभे राहात महाराष्ट्राने आजवर जपलेल्या राजकीय संस्कृतीचे प्रदर्शन भाजपने करायला हवे होते, मात्र तसे न करता वेगवेगळे आरोप करण्यात आले. ताराराणीच्या भूमीत महिला असलेल्या जयश्री ताईंचा अपमान करण्याचे पातक भाजपने केले. मात्र कोल्हापूरच्या स्वाभिमानी जनतेने आजच्या निकालातून भारतीय जनता पक्षाच्या चुकीच्या राजकारणाला सडेतोड उत्तर दिले आहे, असे वक्तव्य बाळासाहेब थोरात (Balasaheb Thorat) यांनी केले आहेत.
महाराष्ट्राचे मुख्यमंत्री तथा शिवसेना पक्षप्रमुख उद्धव ठाकरे यांनी पहिल्या दिवसापासून ही निवडणूक गांभीर्याने घेण्याची सूचना महाविकास आघाडीच्या सर्वच नेते आणि पदाधिकाऱ्यांना दिली होती. ज्येष्ठ नेते शरद पवारही या निवडणुकीवर बारकाईने लक्ष ठेवून होते. महाविकास आघाडीच्या सर्वच नेत्यांनी, पदाधिका-यांनी व कार्यकर्त्यांनी मनापासून काम केले, त्यांच्या एकाजुटीमुळेच हा विजय साकारला, असेही थोरात (Balasaheb Thorat) म्हणाले.
हा विजय राज्याच्या राजकारणाला नवी दिशा देणारा आहे. जातीय आणि धार्मिक तेढ निर्माण करून त्यावर आपली राजकीय पोळी भाजण्याचा प्रयत्न करणा-या धर्मांध शक्तींना कोल्हापूरच्या जनतेने नाकारले आहे. @INCMaharashtra @INCIndia @RahulGandhi @satejp pic.twitter.com/YY5bOq6IOX
— Balasaheb Thorat (@bb_thorat) April 16, 2022
काँग्रेस नेते तथा पालकमंत्री सतेज पाटील यांच्या मदतीला राष्ट्रवादी काँग्रेसचे प्रदेशाध्यक्ष आणि मंत्री जयंत पाटील कोल्हापूरचे संपर्कप्रमुख मंत्री उदय सामंत आणि मंत्री हसन मुश्रीफ सतत सोबत राहिले काँग्रेसच्या वतीने सर्वांचे आभार मानतो, अशीही भावना थोरात (Balasaheb Thorat) यांनी व्यक्त केली.
कोल्हापूर उत्तरमधून जयश्रीताईंचा विजय हा संपूर्ण महाविकास आघाडीचा विजय आहे.
कोल्हापूरच्या स्वाभिमानी जनतेचे आभार.
महाविकास आघाडीचे नेते, पदाधिकारी व कार्यकर्त्यांचे अभिनंदन !
कोल्हापूर शाहू महाराज आणि ताराराणींच्या विचाराचे आहे हे मतदारांनी दाखवून दिले. @INCMaharashtra pic.twitter.com/6JbGgmkErI
— Balasaheb Thorat (@bb_thorat) April 16, 2022
कोल्हापूरचे पालकमंत्री तथा गृहराज्यमंत्री सतेज उर्फ बंटी पाटील यांचे आणि त्यांच्या सर्व सहकाऱ्यांचे या निवडणुकीतील विजयासाठी मनापासून अभिनंदन. भारतीय जनता पक्षाकडून त्यांना घेरण्याचा प्रयत्न झाला मात्र बंटी पाटील सर्वांना पुरून उरले. आजच्या विजयाने हे अधोरेखित झाले.
चंद्रकांत जाधव हे सातत्याने कोल्हापूर शहराच्या विकासासाठी कार्यरत होते. त्यांच्या अकस्मित निधनामुळे झालेली पोटनिवडणूक काँग्रेसने विकासाच्या मुद्दयावर लढवली पण भाजपने या निवडणुकीत धार्मिक ध्रुवीकरणाचा अजेंडा रेटण्याचा प्रयत्न केला पण कोल्हापूरच्या जनतेने भाजपचा धर्मांध विचार नाकारून कोल्हापूरचा विचार हा समतेचा, प्रबोधनाचा..! आणि कोल्हापूर छत्रपती शाहू महाराजांचे, महाराणी ताराबाईंचे आहे, हे दाखवून दिले आहे, असे बाळासाहेब थोरात म्हणाले.
हे सुद्धा वाचा :
बाळासाहेब थोरातांच्या दुरदृष्टीतून साकारला ई- पीक पाणी प्रकल्प, राजस्थान सरकारनेही घेतला आदर्श
बाळासाहेब थोरांतांचा मोदी सरकारवर हल्लाबोल
भाजप आमदार जयकुमार गोरेंवर ‘ॲट्रॉसिटी’चा गुन्हा दाखल