सडक 2 या चित्रपटाची अभिनेत्री क्रिसॅन परेरा हि अंमली पदार्थ बाळगल्याच्या गुन्ह्यात अटकेत आहे. तिला विनाकारण अडकवल्या बद्दल गुन्हे शाखेने अँथोनी पॉल आणि त्याचा सहकारी राजेश बोभाटे या दोघांना अटक केली आहे. पूर्व वैमानस्यातून हे केल्याचं म्हटलं जातं आहे.आज त्यांना कोर्टात हजर करण्यात आलं.
नुकताच प्रदर्शित झालेल्या सडक २ चित्रपटात अभिनेत्री क्रिसॅन‌ला परेराला ही महत्वाच्या भूमिकेत होती.तिच्या कामाची चर्चा ही झाली.या क्रिसॅन परेरा हिला अमली पदार्थ बाळगल्या प्रकरणी शारजा विमानतळावर अटक करण्यात आली आहे.ती सध्या शारजा इथल्या जेल मध्ये आहे.मात्र, तिचा कोणताही संबध अंमली पदार्थाच्या तस्करीशी नाही.तिला फसवण्यात आल्याचं तिच्या पालकांचं म्हणणं आहे. एक एप्रिल रोजी वेबसिरिजच्या कामासाठी क्रिसॅन शारजाला जाणार होती. यावेळी आरोपी अनथोनी याने तिला एक ट्रॉफी दिली.त्या ट्रॉफी मध्ये गांजा हा अंमली पदार्थ लपवला होता.क्रिसॅन शारजा विमानतळ येथे पोहचल्यावर तिच्या सामानाची तपासणी करण्यात आली. यावेळी तिच्या जवळच्या ट्रॉफी मध्ये गांजा सापडला. यामुळे तिला तिथल्या पोलिसांनी अटक केली. तिला सध्या जेल मध्ये ठेवण्यात आलं आहे.
प्रत्यक्षात गांजाशी क्रिसन हिचा काही संबंध नाही.आरोपी अँथोनी याच क्रिसनच्या आईशी वाद आहे.या पूर्ववैमनस्यातून अँथोनीने क्रिसॅन‌ला अडकवल्याचा पोलिसांचा दावा आहे.क्रिसॅन ला शारजा येथे अटक केल्यानंतर तिला ट्रॉफी देणाऱ्या अँथोनी यांच्या विरोधात क्रिसन हिच्या आईने मुंबई पोलिसांकडे तक्रार केली.यानंतर हा तपास मुंबई क्राइम ब्रांचच्या युनिट 10 कडे देण्यात आला.युनिट 10च्या अधिकाऱ्यांनी कारवाई करून आज अँथोनी पॉल आणि राजेश बोभाटे यांना अटक केली.कारण यांनीच क्रिशन हिला ट्रॉफी दिली होती.त्यात गांजा लपवला होता.याच मुद्यांच्या आधारावर त्यांना अटक करण्यात आली आहे.
हे सुद्धा वाचा
ईडीने केली 91 कोटींची मालमत्ता जप्त
खारघर उष्माघात मृत्यू प्रकरणावर उद्या हायकोर्टात सुनावणी
राज्याच्या तिजोरीत खडखडाट; धनादेशांचे वितरण रोखले!
या आधी देखील बोरीवली मधील एका डी जेला अश्याच प्रकारे पूर्व वैमनस्यातून अँथोनी याने अडकवल होत.क्लेटन रॉड्रिग्ज नावाचा डी जे देखील शारजा पोलिसांच्या ताब्यात आहे. आणखीही लोकांना अश्याच प्रकारे अडकवण्याचा प्रयत्न केल्याचा गुन्हे शाखेला संशय आहे. तर क्रिसॅन‌आणि रोड्रिग्ज याच्या सुटकेसाठी मुंबई पोलीस प्रयत्न करणार आहेत.