टीम लय भारी
दिल्ली : मुक्या जीवांना जपणारे हात नेहमीच चर्चेत असतात पण यावेळी चर्चा झाली हल्ला करणाऱ्या क्रुरतेची. दिल्ली येथे कुत्र्यावर अमानुषपणे हल्ला केल्याची धक्कादायक घटना नुकतीच उघडकीस आली आहे. हल्लाची ही घटना वाऱ्यासारखी सोशल मिडीयावर व्हायरल झाली असून यावर निषेध नोंदवत या घटनेचे पडसाद सर्वत्र उमटू लागले आहेत.
दिल्ली येथील पश्चिम विहार परिसरात राहणारे धरमवीर दहिया घराबाहेर पडताच शेजारच्यांचा पाळीव कुत्रा अचानक भुंकू लागला. कुत्र्याच्या अशा भुंकण्याने दहिया यांचा राग अनावर झाला. त्यांनी त्या कुत्र्याची शेपूट पकडली आणि त्याला जोरात जमिनीवर आपटले. दरम्यान कुत्र्याला मारहाण करत असल्याचे लक्षात येताच कुत्र्याचा मालक रक्षित हे बाहेर आले आणि त्यांनी त्यांना अडवण्याचा प्रयत्न केला, परंतु दहिया यांचा राग आणखी वाढला होता.
हाती आलेल्या माहितीनुसार, नेमकं काय घडलं हे सांगताना श्वानाचे मालक रक्षित म्हणाले, दहिया कुत्र्याला अमानुषपणे मारहाण करत होते, त्यांना रोखण्याचा प्रयत्न आम्ही करत होतो. तेवढ्यात कुत्र्यावर उगारलेली वीट आपल्याला लागल्याचा आरोप रक्षित यांनी यावेळी केला.
रक्षित पुढे म्हणाले, कुत्र्याला आपटून मारहाण केल्यानंतर दहिया घरी निघून गेले आणि येताना यावेळी राॅड घेऊन आले. त्यावेळी त्यांना थांबवण्यासाठी रक्षित यांचे मामा – मामी पुढे आले, मामी त्यांना अडवू लागली पण त्यांना न जुमानता मामींना दहिया यांनी पायाने फरफटत तसेच पुढे नेले. त्यानंतर त्यांनी रागाने कुत्र्याच्या डोक्यात राॅड मारला, त्यावेळी अडवताना मामा पुढे आल्यामुळे मामांना सुद्धा त्यांनी राॅडने मारहाण केली.
या घटनेत श्वानासह मामा – मामी रक्तबंबाळ झाले असून त्यांना जवळच्या रुग्णालयात दाखल करण्यात आले आहे. ही संपुर्ण घटना तिथल्या सीसीटीव्हीत कैद झाली आहे. याप्रकरणी पोलिस आणखी तपास करीत आहेत. दरम्यान हा संपुर्ण प्रकार सोशल मिडीयावर व्हायरल झाल्यामुळे नेटकरी संताप व्यक्त करीत आहेत.
हे सुद्धा वाचा…
राज्यात पुन्हा ‘मुसळधार’चा हाहाकार?