टीम लय भारी
बीड:- नगरपंचायतींचे निकाल हाती येऊ लागले असून बीड जिल्ह्यात भाजप नेत्या पंकजा मुंडे यांना एक मोठा धक्का बसला आहे. बीड जिल्ह्यातील वडवणी नगरपंचायत ही भाजपच्या हातून राष्ट्रवादी काँग्रेस पक्षाने हिसकावली आहे. वडवणी नगरपंचायत निवडणुकीत पंकजा मुंडे यांचे निकटवर्तीय असलेले भाजपचे नेते राजूभाऊ मुंडे यांचा पराभव झाला आहे.(Dhananjay Munde group rules Wadwani Nagar Panchayat)
या निवडणुकीत एकूण 17 जागांपैकी 6 जागांवर राष्ट्रवादी काँग्रेसने विजय मिळवला आहे. 3 जागांवर राष्ट्रवादी पुरस्कृत आघाडीने विजय मिळवला आहे तर भाजपने 8 जागांवर विजय मिळवला आहे.
हे सुद्धा वाचा
बाळासाहेब थोरात म्हणाले, महाविकास आघाडीने भाजपला मागे टाकले !
पंकजा मुंडेंना धनंजय मुंडेंचं उत्तर : म्हणाले, एक कमळसुद्धा उभं केलं नाही
कवठेमहांकाळमध्ये रोहित पाटलांची एकहाती सत्ता
Maharashtra: BJP gets an upper hand in nagar panchayat elections in Beed
बीड जिल्ह्यातील वडवणी नगरपंचायत ही भाजपच्या हातून राष्ट्रवादी काँग्रेस पक्षाने हिसकावली आहे. तसेच बीड जिल्हयातील इतर आष्टी,पाटोदा व शिरूर या तिन्हीवर भाजप झेंडा फडकला आहे. आष्टीत 17 जागांपैकी भाजप 10,अपक्ष 04, राष्ट्रवादी काँग्रेस 02, काॅग्रेस 01, पाटोदा- भाजप 09, अपक्ष 06, राष्ट्रवादी काँग्रेस 02, शिरूर – भाजप 11, राष्ट्रवादी काँग्रेस 04, सेना 02
सर्वोच्च न्यायालयाच्या आदेशानुसार स्थानिक स्वराज्य संस्थांच्या स्थगित नागरिकांचा मागासवर्ग प्रवर्गाच्या निवडणुकांच्या जागा आता अनारक्षित करून त्या सर्वसाधारण प्रवर्गातून भरण्यासाठी 18 जानेवारी 2022 रोजी मतदान प्रक्रिया पार पडली होती. तर त्यापूर्वी उर्वरित सर्व जागांसाठी पूर्वनियोजनाप्रमाणे 21 डिसेंबर 2021 रोजी मतदान प्रक्रिया पार पडली.परंतु,मतमोजणी मात्र सर्व ठिकाणी एकाच दिवशी 22 डिसेंबर 2021 ऐवजी 19 जानेवारी 2022 रोजी होत आहे.