बॉलिवूड अभिनेत्री अनुष्का शर्मा सोशल मीडियावर चांगलीच ट्रोल होत आहे. अनुष्का शर्मा सध्या तिच्या बाईक राईडमुळे प्रचंड चर्चेत आली. मात्र, तिची हीच बाईक राईड आता तिला महागात पडली आहे. नुकताच अनुष्काने शूटसाठी वेळेवर पोहचता यावे म्हणून बाईकचा पर्याय निवडला. मात्र, यादरम्यान तिने अशी चूक केली की, ती टीकेची धनी ठरली.
यावेळी अनुष्का शर्माच्या बॉडीगार्डने बाईक चालवली, तर अभिनेत्री त्याच्या मागे बसली होती. पण, यावेळी दोघांनीही हेल्मेट घातले नव्हते. यानंतर ती सोशल मीडियावर जोरदार ट्रोल झाली. काही नेटकऱ्यांनी तिच्यावर तुफान टीका केली. अनेकांनी तिचा व्हिडीओ आणि फोटो सोशल मीडियावर पोलिसांना टॅग करून तिच्यावर कारवाई करण्याची मागणी केली होती. अखेर विना हेल्मेट दुचाकी प्रवास करणाऱ्या अनुष्काला 10,500 रुपयांचा दंड ठोठावण्यात आला आहे.
View this post on Instagram
मुंबई पोलिसांना टॅग करत एका चाहत्याने आपली प्रतिक्रिया दिली होती. मुंबई पोलिसांना टॅग करताना या युजरने लिहिले होते की, ‘बाईकस्वार आणि मागील दुचाकीस्वार दोघांचेही हेल्मेट गायब आहे. @MumbaiPolice कृपया लक्ष द्या’. आता या प्रकरणी मुंबई पोलिसांनी आपली प्रतिक्रिया दिली असून ‘आम्ही हे वाहतूक पोलिसांशी शेअर केले आहे’, असे म्हटले होते. त्यानंतर आता अनुष्काला दंड ठोठावण्यात आला आहे. त्यामुळे विना हेल्मेट स्वॅग दाखवणारी ही बाईक राईड अनुष्काला चांगलीच महागात पडली आहे.
हे सुद्धा वाचा :
नितिन गडकरींना फोनवरून धमक्या !
मंत्रिमंडळ बैठक निर्णय : अकोल्यात नवे व्हेटरनरी कॉलेज; आयटीआय निदेशकांना वेतनवाढ
मोचा चक्रीवादळाने म्यानमार, बांगलादेशमध्ये केलेले नुकसान पाहा
Anushka Sharma, Mumbai Police, Anushka Sharma fine by mumbai police for bike ride without a helmet