बॉलिवूड फिल्म इंडस्ट्रीमध्ये भाईजान म्हणून प्रचलित असलेला सल्मान खान होस्ट करत असलेल्या बिग बॉस या कार्यक्रमाची नेहमीच प्रेक्षकांना आतुरता असते. या कार्यक्रमाचा 16वा हंगाम 1 ऑक्टोबरपासून सुरू होत आहे. यावेळी बिग बॉसच्या या 16व्या हंगामात कोणकोणते सेलिब्रिटी सहभागी होणार याबाबातही अनेक चर्चा सुरू होत्या. आता या चर्चांना हळूहळू पुर्णविराम लागत आहे. बिगबॉस 16 बाबतीत सोशल मीडियावर अनेक चर्चा सुरू असतानाच एक मोठी बातमी समोर आली आहे. फेमिना मिस इंडिया 2020ची उपविजेती मान्या सिंग यावेळी एक स्पर्धक म्हणून शोमध्ये प्रवेश करणार आहे.
मीडिया रिपोर्ट्सनुसार, मान्या सिंग ही कार्यक्रमातील पहिली जाहिर केलेली स्पर्धक आहे. मान्याच्या प्रवेशाबाबत अद्याप कोणतीही अधिकृत माहिती समोर आलेली नसली तरी तिच्या एंट्रीबाबत सोशल मीडियावर खळबळ उडाली आहे. मान्या सिंग तिच्या ग्लॅमरस, लूकमुळे नेहमीच चर्चेत असते. विशेष म्हणजे तिच्या मनमोहक अदा आणि सुंदरतेवर अनेक चाहते फिदा आहेत. त्यामुळे आता मान्या बिग बॉसमध्ये सहभागी होत असल्याची बातमी ऐकुण चाहत्यांमधील उत्साह द्विगुणित झाला आहे.
हे सुद्धा वाचा…
ODI IND vs AUS : ‘कार्तिक फिनिशर होऊ शकत नाही!’ ऑस्ट्रेलियन दिग्गजाचा टीम इंडियाला सल्ला
सलमान खान बऱ्याच दिवसांपासून हा कार्यक्रम होस्ट करत आहे. या शोमध्ये देशातील आणि जगातील अनेक प्रसिद्ध स्टार्स सहभागी झाले आहेत. ‘बिग बॉस’ने प्रेक्षकांना त्यांच्या आवडत्या स्टार्सना जवळून जाणून घेण्याची संधी दिली आहे. असे सांगितले जात आहे की ‘बिग बॉस 16’ मागील सर्व हंगामांपेक्षा खूप वेगळा असणार आहे. यंदाच्या हंगामाचा प्रीमियर एपिसोड दोन भागांमध्ये विभागला गेला आहे. त्याचा दुसरा भाग 2 ऑक्टोबरला प्रसारित होणार आहे. यासोबतच ‘बिग बॉस 16’ च्या प्रीमियर एपिसोडमध्ये सलमान खानसोबत शहनाज गिल दिसणार असल्याची चर्चा आहे. साहजिकच त्यामुळे प्रेक्षकांची उत्सुकता वाढली आहे.
दरम्यान, प्रत्येकवेळी बिगबॉसमध्ये कोणकोण सहभागी होणार याची चर्चा होत असते. त्याचप्रमाणे यंदाही अनेक सेलिब्रिटींची नावे चर्चेत आहेत. कनिका मान, पूनम पांडे, जन्नत जुबेर, फैजल शेख (मिस्टर फैसू), राज कुंद्रा, शिवीन नारंग, फहमान खान आणि मुनावर फारुकी यामध्ये स्पर्धक म्हणून दिसतील. या सर्वांशिवाय लोकसभा सदस्य आणि बंगाली अभिनेत्री नुसरत जहाँ यांच्या नावाचीही चर्चा आहे.