टीम लय भारी
मुंबई : कोरोना महामारीनंतर अनेकांनी आपल्या चांगल्या नोकऱ्या गमावल्या. पण आता अनेक ठिकाणी भरती सुरु झाली असून पात्र आणि इच्छुक आणि उमेदवारांना आपल्या क्षेत्रात नोकरी करण्याची संधी उपलब्ध होत आहे. शिपिंग कॉर्पोरेशन ऑफ इंडिया लिमिटेड, मुंबई येथे १४ रिक्त जागांसाठी भरती सुरु करण्यात आली आहे. त्यामुळे पात्र उमेदवार या ठिकाणी ऑनलाईन अर्ज सादर करू शकतात.
शिपिंग कॉर्पोरेशन आॅफ इंडिया अर्थात SCI मध्ये मुंबई येथे मास्तर आणि सागरी अभियंता या पदांच्या एकूण 14 रिक्त जागा भरती करण्यात येणार आहे. यासाठी 29 जुलै 2022 पर्यंत ऑनलाईन पद्धतीने अर्ज मागविण्यात आले आहेत. या पदाबाबतची सर्व माहिती https://cutt.ly/4K6GqL3 या पीडीएफ फाईल मध्ये देण्यात आली आहे. तर पात्र आणि इच्छुक उमेदवार https://cutt.ly/AK6G9Nc येथे आपला ऑनलाईन अर्ज करू शकतात. http://www.shipindia.com ही शिपिंग कॉर्पोरेशन मुंबईची अधिकृत वेबसाईट असून सदर कंपनी संदर्भातील सर्व माहिती येथे उपलब्ध करून देण्यात आली आहे.
तसेच या पदांसाठी ऑफलाईन अर्ज देखील करण्यात येऊ शकतात. श्री कपिल मीराखुर, एसएम फ्लीट पर्सोनेल विभाग द शिपिंग कॉर्पोरेशन ऑफ इंडिया लि. “शिपिंग हाऊस”, 3रा मजला, 245 मॅडम कामा रोड, मुंबई, पिन – 400021 या पत्त्यावर पात्र उमेदवार आपला ऑफलाईन अर्ज पाठवू शकतात. पात्र उमेदवारांनी आपला ऑनलाईन अथवा ऑफलाईन अर्ज सादर करताना या पदासाठी आवश्यक असलेली शैक्षणिक पात्रतेची कागदपत्रे या अर्जासोबत जोडून पाठवावीत.
हे सुद्धा वाचा :
ESIC मध्ये भरती होण्याची सुवर्णसंधी
महाराष्ट्रातील तरुणांना शासकीय सेवेत दाखल होण्याची सुवर्णसंधी !