शिवसेना उद्धव बाळासाहेब ठाकरे पक्षाच्या उपनेत्या सुषमा अंधारे यांना नागपूर विमानतळावर जीवे मारण्याची धमकी मिळाल्याने एकच खळबळ उडाली आहे. सुषमा अंधारे यांनी सोशल मीडिया पोस्ट करत याबाबत माहिती दिली आहे. राज्याचे मुख्यमंत्री देवेंद्र फडणवीस यांना तपास करुन वस्तुस्थिती तपासण्याचं आवाहन देखील सुषमा अंधारे यांनी केलं आहे. सोबतच राज्यात दहशत आणि दबाबतंत्राचे गलिच्छ राजकारण सुरू असल्याचेही अंधारे यांनी म्हटले आहे.( Sushma Andhare Facebook Post On Death Threat)
सुषमा अंधारे यांची फेसबुक पोस्ट
मी आणि माझी ७ वर्षांची लेक समता सैनिक दलाच्या स्मिता कांबळे यांच्याबरोबर होते. साधारण ६ फूट उंचीचा गोल आकाराचा गंध लावलेला, अर्धे टक्कल असणारा माणूस बोलण्याचा प्रयत्न करत होता. नेहमीप्रमाणे कुणीतरी ओळखीचा असावा म्हणून वर बघितले तर तो जीवे मारण्याच्या धमक्या देत होता. गेटवरील सुरक्षारक्षक थोडे पुढे सरसावले, तसा तो जय श्रीरामच्या घोषणा देत भरधाव गाडीने निघून गेला.” ( Sushma Andhare Facebook Post On Death Threat)
फेसबुक पोस्ट करत मुख्यमंत्र्यांना आवाहन
“देवेंद्रजी, आपण आपल्या यंत्रणेकडून या ठिकाणचे सर्व सीसीटीव्ही तपासून वस्तुस्थिती तपासावी. हा घटनाक्रम इथे लिहू नये असे खुपदा वाटले. मात्र दहशत आणि दबावतंत्राचे हे गलिच्छ राजकरण मुख्यमंत्री म्हणून आपल्यापर्यंत पोहचवणे ही नागरिक म्हणून माझी जबाबदारी आहे असे वाटले”, असं देखील सुषमा अंधारे यांनी म्हटलं आहे. ( Sushma Andhare Facebook Post On Death Threat)
#टीप असे लिहित म्हटले की,
सुषमा अंधारे यांनी #टीप असे लिहित म्हटले की, “शासनाने मला सुरक्षा पुरवावी असे अजिबात वाटत नाही. कारण त्यावर माझा फारसा विश्वास नाही. बाकी आपली मर्जी.”