लोहपुरूष सरदार वल्लभभाई पटेल यांचे देशाच्या स्वातंत्र्य लढ्यात आणि देशाची एकात्मता साधण्यात महत्त्वपूर्ण योगदान आहे. त्यांच्या जयंतीदिनी त्यांच्या कार्यास समर्पित करणारे विशेष टपाल पाकीटाचे अनावरण बिर्ला हाऊस या ऐतिहासिक वास्तूत करण्यात आले. सरदार वल्लभभाई पटेल यांच्या जयंतीदिनी (Sardar Vallabhbhai Patel Birth Anniversary) विशेष टपाल पाकीटाचे अनावरण करणे हे अभिमानास्पद असल्याचे मुख्यमंत्री एकनाथ शिंदे यांनी यावेळी सांगितले. लोहपुरूष सरदार वल्लभभाई पटेल यांच्या 147 व्या जयंती निमित्त आणि एकता दिनानिमित्त भारतीय टपाल विभाग आणि बिर्ला समूहाच्यावतीने विशेष टपाल पाकिटाचे अनावरण मुख्यमंत्री एकनाथ शिंदे यांच्या हस्ते बिर्ला हाऊस येथे आज झाले. यावेळी मुख्यमंत्री यांनी सरदार वल्लभभाई पटेल यांच्या प्रतिमेस पुष्पहार अर्पण करून आदरांजली वाहिली.
मुख्यमंत्री एकनाथ शिंदे म्हणाले की, महात्मा गांधी आणि लोहपुरूष सरदार वल्लभभाई पटेल या महान व्यक्तींचे वास्तव्य बिर्ला हाऊस मध्ये होते. या ऐतिहासिक वास्तूत लोहपुरूष सरदार पटेल यांच्या कार्यास समर्पित करणारे टपाल पाकिटाचे अनावरण करणे ही अभिमानास्पद बाब आहे.
अखंडता आणि एकात्मतेचा संदेश देणाऱ्या लोहपुरूषाच्या कार्याला स्मरण करून, त्यांच्या विचारांचा वारसा पुढे नेण्याचा प्रयत्न करणार असल्याचे यावेळी मुख्यमंत्री एकनाथ शिंदे यांनी सांगितले. तसेच मुख्यमंत्री एकनाथ शिंदे म्हणाले की, राज्यातील सर्व वर्गातील लोकांचा विकास करण्याच्या दृष्टीने विविध प्रकल्प राबविण्यात येत आहेत. जनतेच्या सहकार्याने शासन कार्य करीत असून, जनतेला भविष्यात विकासात्मक बदल दिसेल.
हे सुद्धा वाचा
Indira Gandhi Death Anniversary : इंदिरा गांधींच्या पुण्यतिथीनिमित्त राहुल गांधींचे भावनिक ट्विट
यावेळी उपस्थित असलेल्या पोस्ट मास्टर जनरल स्वाती पांडे म्हणाल्या की, राष्ट्रीय एकता दिवसाचे औचित्य साधून लोहपुरूष सरदार वल्लभभाई पटेल यांच्या कार्यास समर्पित विशेष पाकीटाच्या दोन हजार प्रती छापण्यात आल्या आहेत. यापूर्वी सरदार वल्लभभाई पटेल यांचे टपाल तिकीट भारतीय टपाल विभागाने प्रसिद्ध केले आहे.
भारताचे लोहपुरुष,देशाचे पहिले उपपंतप्रधान व गृहमंत्री भारतरत्न #सरदार_वल्लभभाई_पटेल यांच्या जयंतीनिमित्त आज मुंबई येथील बिर्ला हाऊस येथे भारतीय टपाल विभाग व उद्योगपती यश बिर्ला यांच्या संयुक्त विद्यमाने तयार करण्यात आलेल्या एका विशेष आवरण व टपाल तिकिटाचा अनावरण सोहळा संपन्न झाला. pic.twitter.com/C3meGGr425
— Eknath Shinde – एकनाथ शिंदे (@mieknathshinde) October 31, 2022
बिर्ला हाऊस या ठिकाणी आयोजित करण्यात आलेल्या या कार्यक्रमास खासदार श्रीकांत शिंदे, धैर्यशील माने, भारतीय टपाल विभागाच्या पोस्ट मास्टर जनरल स्वाती पांडे, सहायक निदेशक स्मिता राणे, बिर्ला समुहाचे यश बिर्ला , अवंती बिर्ला यांच्यासह बिर्ला कुटुंबिय, भारतीय टपाल विभागाचे अधिकारी उपस्थित होते. देशभरात पोलादपुरुष सरदार वल्लभभाई पटेल यांना आदरांजली वाहण्यात आली. तसेच अनेक ठिकाणी सांस्कृतिक कार्यक्रमांचे आयोजन देखील करण्यात आले होते.
भारतरत्न सरदार वल्लभभाई पटेल यांचे वास्तव्य असलेल्या बिर्ला हाऊस या ऐतिहासिक वास्तूमध्ये आज लोहपुरूष सरदार पटेल यांच्या राष्ट्रीय एकता अखंडता कार्यास समर्पित करणारे विशेष डाक पाकिटाचे अनावरण करणे मी माझे भाग्य समजतो अशी भावना व्यक्त करून pic.twitter.com/SFo3i4uWGx
— Eknath Shinde – एकनाथ शिंदे (@mieknathshinde) October 31, 2022