श्रद्धा हत्याकांडाची सुनावणी जलदगती न्यायालयात व्हावी, अशी मागणी राष्ट्रवादी काँग्रेस पक्षाच्या नेत्या सुप्रिया सुळे यांनी केली आहे. त्यामुळे भारतातील महिलांना न्याय मिळेल, असे त्यांचे म्हणणे आहे. दरम्यान, दिल्ली पोलीस सोमवारी (21 नोव्हेंबर) आफताबची नार्को टेस्ट करणार आहेत. ही चाचणी दिल्लीतील रुग्णालयात केली जाईल. त्याचवेळी या खून प्रकरणाच्या तपासासाठी मुंबईत गेलेले दिल्ली पोलिसांचे पथक तीन दिवस श्रद्धावर उपचार करणाऱ्या डॉक्टरचे जबाब घेणार आहेत.
श्रद्धा हत्याकांडावर सुप्रिया सुळे काय म्हणाल्या
एनसीपी नेत्या सुप्रिया सुळे यांनी एएनआय या वृत्तसंस्थेला सांगितले की, “ज्या लोकांनी अशी घृणास्पद घटना केली आहे त्यांना शिक्षा झाली पाहिजे.” याची त्यांना मोठी किंमत मोजावी लागेल. महाराष्ट्राच्या पोलिसांवर आमचा पूर्ण विश्वास आहे. मी केंद्र आणि राज्य सरकारांना आवाहन करते की, श्रद्धाचा खटला जलदगती न्यायालयात चालवावा, जेणेकरून भारतातील महिलांना योग्य न्याय मिळू शकेल.
हे सुद्धा वाचा
Solapur Mahanagarpalika : महिला आयुक्तांनी स्वीकारला सोलापूर महापालिकेचा पदभार
Cricket News : बाबो! वनडे सामन्यांत 277 धावा; धोनीच्या शिलेदारानं एकाच खेळीत मोडले अनेक विक्रम
CAT 2022 Exam Tips : अगदी काही दिवसांत होणाऱ्या CAT परिक्षेची तयारी कशी करायची? वाचा सविस्तर
दिल्ली पोलिसांनी गेल्या आठवड्यात आफताब अमीन पूनावाला याला श्रद्धा वालकरच्या हत्येच्या आरोपावरून अटक केली होती. त्याच्यावर श्रद्धाची हत्या करून मृतदेहाचे तुकडे केल्याचा आरोप आहे. दिल्ली पोलीस श्रद्धाच्या मृतदेहाचे अवशेष मेहरौलीच्या जंगलात शोधत आहेत. मात्र त्यांना आजपर्यंत विशेष यश मिळालेले नाही. आफताब सध्या दिल्ली पोलिसांच्या ताब्यात आहे.
Pune: People committing heinous crimes must be punished & pay big price. We've full faith in Maharashtra's police. I requested Central & state govts that Shraddha's case must be in fast track court so women in India can get fair justice:NCP MP Supriya Sule on Shraddha murder case pic.twitter.com/Ay1kobQt61
— ANI (@ANI) November 21, 2022
आफताबची नार्को चाचणी
दरम्यान, दिल्लीच्या साकेत न्यायालयाकडून आदेश मिळाल्यानंतर पोलीस आता आफताबची नार्को टेस्ट करणार आहेत. आफताबची रोहिणी येथील आंबेडकर रुग्णालयात नार्को चाचणी करण्यात येणार आहे. आणि दिल्ली पोलिसांची एक टीम मुंबईत आहे. तेथे ती आज मुंबईतील ओझोन रुग्णालयाचे डॉ.शिवप्रसाद शिंदे यांचा जबाब नोंदवणार आहेत. शिंदे यांनीच डिसेंबर 2020 मध्ये श्रद्धाच्या मानेवर आणि पाठीच्या दुखापतीवर उपचार केले होते. तिला तीन दिवस रुग्णालयात दाखल करण्यात आले होते. दिल्ली पोलीस मुंबईतील त्या पंचतारांकित हॉटेलची चौकशी करणार आहेत जिथे आफताबने शेफ म्हणून इंटर्नशिप केली होती.