आमदार गोपीचंद पडळकर काय म्हणतात, यापेक्षा देवेंद्र फडणवीस काय म्हणतात याला महत्त्व आहे. आमदार अनिलराव बाबर हेच 2024 ला महायुतीचे उमेदवार असतील, अशी प्रतिक्रिया शिंदे गटाचे आणि राज्याचे मंत्री उदय सामंत यांनी दिली आहे.
भाजपचे आमदार गोपीचंद पडळकर यांनी काल बुधवारी झालेल्या सांगली जिल्ह्यातील तामखडी (ता.खानापूर) येथे झालेल्या एका जाहीर कार्यक्रमात २०२४ ची खानापूर विधानसभेची निवडणूक एक लाख टक्के आपण लढविणार आहोत आणि जिंकणार आहोत. त्याच्यासाठी काहीही करायला लागले तरी आपली तयारी आहे, असे म्हटले होते.
त्यानंतर मात्र राज्यात सत्तेवर असलेल्या महायुतीच्या भाजप आणि शिंदे गट यांच्या स्थानिक कार्यकर्त्यांमध्ये संभ्रमाचे वातावरण पसरले होते. काही पत्रकारांनी याबाबत थेट शिंदे गटाचे नेते आणि मंत्री उदय सामंत यांना विचारले असता ते म्हणाले की, अनिल बाबर हे आमचे जेष्ठ सहकारी आहेत.
आमदार गोपीचंद पडळकर काय म्हणतात यापेक्षा देवेंद्र फडणवीस काय म्हणतात हे आमच्यासाठी महत्त्वाचे आहे. खानापूर मतदारसंघातून अनिल बाबर हेच आमचे नेतृत्व करतील आणि फार मोठ्या मताधिक्याने निवडून येतील, असेही मंत्री सामंत यांनी म्हटले आहे.
गोपीचंद पडळकर आता खानापूर (जि. सांगली) मतदार संघातून निवडणुक लढविण्याच्या तयारीत आहेत. खानापूर विधानसभा मतदार संघात शिवसेनेचे आमदार अनिल बाबर आहेत. सध्या ते एकनाथ शिंदे यांच्या गटात असून तेथे सदाशिव पाटील काँग्रेसचे माजी आमदार देखील याच मतदारसंघातून यापूर्वी निवडून आले होते. सध्या भाजप, शिंदे गट, अजित पवार गट आगामी निवडणुका एकत्र लढण्याची शक्यता आहे.
हे सुद्धा वाचा
एअर होस्टेसने असे केले इस्रोचे अध्यक्ष एस. सोमनाथ यांचे स्वागत; व्हिडीओ व्हायरल !
देवेंद्र फडणवीसच सुपर सीएम, एकनाथ शिंदे फक्त चेहरा; नाना पटोलेंची मिश्किल टीका
आम्हाला जीव द्यावा लागला तरी बेहत्तर; मुंबईसाठी जितेंद्र आव्हाड यांचा दिल्लीश्वरांना इशारा
खानापूर तालुक्यातील ऐनवाडी येथे तामखडी ते ऐनवाडी २० लाख रुपयांच्या रस्त्याच्या कामाचा शुभारंभ पडळकर यांच्या हस्ते झाला. यावेळी बोलताना पडळकर म्हणाले, खानापूर विधानसभा मतदारसंघातील राजकीय परिस्थिती 2024 च्या निवडणुकीत बदलायची आहे. त्यामुळे 100 टक्के ताकदीने विधानसभेची निवडणूक लढवायची आहे. 2024 ची विधानसभा निवडणूक खानापूर विधानसभा मतदारसंघातून लढविण्याची घोषणा आमदार गोपीचंद पडळकर यांनी केले होते.
