MSEDCL : मुंबईकरांना होणार 15% वीज दरवाढीची डोकेदुखी

महाराष्ट्र राज्य वीज वितरण कंपनी लिमिटेड (MSEDCL) ने गुरुवारी मुंबई निवासी ग्राहकांसाठी एप्रिलपासून 15% पर्यंत वीज दरवाढ प्रस्तावित करण्यासाठी सार्वजनिक सूचना जारी केल्या आहेत. यामुळे मुंबईकरांची डोकेदुखी भलतीच वाढणार आहे. (MSEDCL : 15% electricity tariff hike headache for Mumbaikars)

2024-25 मध्ये टॅरिफमध्ये आणखी 15% वाढ प्रस्तावित केल्यामुळे मुंबई, ठाणे, नवी मुंबई, कल्याण, वसई-विरार आणि उर्वरित महाराष्ट्रातील 2 कोटी निवासी ग्राहकांवर वीज दरवाढीचा मोठा भार पडू शकतो.

गेल्या वर्षभरात राज्यभरातील वीजचोरी प्रकरणांवर मोठी कारवाई केल्यामुळे तोट्यात घट झाली आहे. मात्र निवासी दरासाठी तुम्ही भरलेल्या ऊर्जा शुल्काचा विचार केल्यास, 1-100 युनिट्सच्या वापरासाठी प्रस्तावित वाढ 2023-24 मध्ये 4.01 रुपये प्रति युनिटवरून 4.50 रुपये प्रति युनिट इतकी आहे, जी 12% वाढ आहे. ऊर्जा वितरणमध्ये कृषी, उद्योग आणि व्यावसायिक आस्थापनांसह एकूण २.८ कोटी ग्राहक आहेत. 2019-20 मध्ये सुमारे 18% असलेल्या वितरण तोट्यात एप्रिलपर्यंत 14% पर्यंत घट करण्याचा महावितरणचा प्रस्ताव आहे.

हे सुद्धा वाचा : अदानीविरोधातील उद्रेकापुढे अखेर सरकार नमले; वीज कर्मचाऱ्यांचा संप मागे

Devendra Fadanvis : शेती पंपांच्या वीज जोडण्या कापू नका!; फडणवीसांच्या आदेशामुळे शेतकऱ्यांना दिलासा

UPI Payment : इंटरनेटशिवाय UPI द्वारे वीज बिल भरू शकता! जाणून घ्या सोपी प्रक्रिया

अधिकाऱ्यांनी दिलेल्या माहितीनुसार, 101-300 युनिट्ससाठी उपभोग, 8.79 रुपये प्रति युनिटवरून 10 रुपये प्रति युनिट (14% वाढ) आणि वापरकर्त्याद्वारे 301-500 युनिट मासिक वापरासाठी, 12.42 रुपये प्रति युनिटवरून 14.20 रुपये प्रति युनिट (14%) वाढ होणार आहे. यात प्रामुख्याने 500 अधिक वापर करणाऱ्या ग्राहकांसाठी, 15% दराने दरवाढ करण्याचा प्रस्तावित आहे. 14.21 रुपये प्रति युनिटवरून 16.3 रुपये प्रति युनिट, असे याचिकेत नमूद करण्यात आले आहे.

Maharashtra Electricity Regulatory Commission (एमईआरसी)च्या प्रस्तावानुसार, एप्रिलपासून उद्योग आणि व्यावसायिक ग्राहकांना 13% दरवाढीचा सामना करावा लागू शकतो.