यंदाच्या अर्थसंकल्पात शिंदे-फडणवीस सरकारने राज्याच्या हिताने विविध घोषणा केल्या. यात प्रामुख्याने महिलांना तिकीट दरात 50 टक्के सवलत लागू करण्यात आली. दरम्यान याची अंमलबजावणी 17 मार्च पासून सुरू झाली. या योजनेमुळे एसटीने प्रवास करणाऱ्या महिला प्रवाशांना मोठा दिलासा मिळाला. मात्र गेल्या काही दिवसांपासून एसटीचे ऑनलाईन तिकीट बुक करताना प्रवाशांना मोठ्या अडचणींचा सामना करावा लागत होता. पण आता या ऑनलाइन तिकीट बुकिंग प्रणालीमध्ये सुधारणा करण्यात आली आहे. म्हणजे आता घरी बसून एसटीच्या प्रवाशांना तिकीट बुक करता येणार आहे.
खरं पाहता महिलांना बसचे ऑनलाईन तिकीट बुक करताना 50 टक्के सवलतीचा लाभ मिळत नव्हता. त्याचप्रमाणे महिलांना एसटी डेपो आणि अधिकृत तिकीट दलालाकडून तिकीट बुक करावे लागत होते. यामुळे महिलांची गैरसोय होत होती. याबाबत अनेक महिला प्रवाशांनी एसटी आगारात तक्रारदेखील केली होती. अखेर महिलांची ही अडचण दूर करण्यासाठी एसटी महामंडळाने ऑनलाईन तिकीट बुकिंगमधील तांत्रिक अडचण दूर केली आहे. त्यामुळे महिलांना ऑनलाईन सुविधा प्राप्त झाली आहे.
टिकीट बुक करण्यासाठी आपण खालील लिंकवर आपला तपशील भरून 50% सवलतीची टिकीट आरक्षित करू शकता: Maharashtra State Road Transport Corporation
महिला सन्मान योजनेमुळे दररोज 18 ते 20 लाख महिला एसटीने प्रवास करत आहेत. गेल्या महिन्यात दररोजच्या महिला प्रवाशांची संख्या 9 लाखांनी वाढली आहे. व्यवस्थापकीय संचालक एसटी महामंडळाचे उपाध्यक्ष शेखर चन्ने यांनी याबाबत माहिती दिली. गेल्या दोन महिन्यांपासून एसटीच्या उत्पन्नात देखील वाढ झाली असल्याचे देखील एसटी महामंडळाकडून सांगण्यात येत आहे.
हे सुद्धा वाचा :
बसमध्ये मोबाईल वापरला तर गुन्हा दाखल होणार; वाचा बेस्टचा नवा नियम
BEST: मुंबईच्या रस्त्यांवर धावणार देशातील पहिली इलेक्ट्रिक डबल-डेकर एसी बस
MSRTC: लालपरीचे लालडब्यात रूपांतर होण्यापूर्वी महामंडळाचा महत्वपूर्ण निर्णय; वाचा सविस्तर
Women ST Bus Half Ticket Update, MSRTS, BEST BUS, women half ticket