राजस्थानच्या अजमेर जिल्ह्यात एका 25 वर्षीय दलित महिलेवर पुजारी आणि इतरांनी सामूहिक बलात्कार केल्याचा आरोप आहे. पोलिसांनी रविवारी ही माहिती दिली. अधिकाऱ्यांनी सांगितले की, आरोपी संजय शर्मा हा पीडितेचा कौटुंबिक पुजारी आहे आणि त्याने तिच्या कुटुंबाच्या वतीने अनेक धार्मिक विधी केले आहेत. पीडितेने दाखल केलेल्या तक्रारीचा हवाला देत अजमेरचे पोलीस उपअधीक्षक छवी शर्मा म्हणाले की, “घरात एकटी दिसल्यानंतर आरोपीने पीडितेवर बलात्कार केला आणि घटनेचा व्हिडिओ बनवला.”
पीडित महिलेने पोलिसांत दिलेल्या तक्रारीनुसार, आरोपीने तिच्याकडून पैसे उकळले आणि नंतर काही जणांसह तिच्यावर सामूहिक बलात्कार केला. डीएसपी छवी शर्मा यांच्या म्हणण्यानुसार, आरोपीने पीडितेला नशेचे पदार्थ पाजले होते, त्यामुळे ती या घटनेत सहभागी असलेल्या लोकांची संख्या सांगू शकत नाही. पीडितेने तिच्या तक्रारीत म्हटले आहे की, आरोपी पुजाऱ्याने तिला ओलीस ठेवले होते आणि गेल्या एका महिन्यात अनेकवेळा तिच्यावर बलात्कार केला होता.
हे सुद्धा वाचा
Tukaram Mundhe : तुकाराम मुंढेंचा जलवा, नवे खाते मिळताच धडाका सुरू !
BJP MLA Death Threat : पीएफआयकडून भाजप आमदाराला जीवे मारण्याची धमकी! पोलिस तपासाला सुरुवात
पीडितेने आरोप केला आहे की आरोपी पुजाऱ्याने तिचा पती आणि मुलांना ठार मारण्याची आणि विरोध केल्यास बलात्काराचा व्हिडिओ सार्वजनिक करण्याची धमकी दिली होती. पोलिसांनी सांगितले की, पीडितेने तिच्या तक्रारीत म्हटले आहे की, तिला ओलीस ठेवले आणि अंमली पदार्थांचे इंजेक्शन दिले. पीडितेने सांगितले की, जेव्हा ती घरी परतली नाही तेव्हा तिच्या पतीने बेपत्ता झाल्याची तक्रार दाखल केली, त्यानंतर आरोपीने तिला 27 सप्टेंबर रोजी पोलिस स्टेशनच्या बाहेर सोडले. पोलिसांनी दिलेल्या माहितीनुसार, तक्रारीच्या आधारे 7 ऑक्टोबर रोजी एफआयआर नोंदवण्यात आला असून आरोपीचा शोध सुरू आहे.
याबाबत अजमेर सिव्हिल लाईन पोलिस स्टेशनला कळवले होते, मात्र कोणतीही कारवाई झाली नसल्याचे पीडितेने तक्रारीत म्हटले आहे. या घटनेनंतर ती गप्प बसू लागली तेव्हा घरच्यांनी चौकशी केली. त्याने घरच्यांना सगळा प्रकार सांगितला. कुटुंबीयांनी महिलेला सिव्हिल लाइन्स पोलिस ठाण्यात नेले आणि एफआयआर दाखल केला. पोलिसांनी मुख्य आरोपी पुजारी आणि इतर आरोपींविरुद्ध सामूहिक बलात्कार आणि इतर कलमांखाली गुन्हा दाखल केला आहे. अजमेर उत्तरचे पोलीस उपअधीक्षक छवी शर्मा यांनी सांगितले की, पीडितेची वैद्यकीय तपासणी केल्यानंतर तिचे जबाब नोंदवण्यात आले आहेत. पोलीस या प्रकरणाचा तपास करत आहेत.