टीम लय भारी
उपमुख्यमंत्री देवेंद फडणवीस यांचा 22 जुलै रोजी वाढदिवस आहे. आपल्या लाडक्या नेत्याचा वाढदिवस मोठ्या उत्साहात साजर करण्यासाठी कार्यकर्ते आतुरतेने वाट पाहत असतात. मात्र यंदा महाराष्ट्र भाजपकडून उपमुख्यमंत्री फडणवीस यांच्या वाढदिवसाच्या दिवशी जाहिरात, होर्डिंग, उत्सव नको म्हणत जाहीर आवाहन केले आहे.
यंदा देवेंद फडणवीस यांच्या वाढदिवसानिमित्त पक्षाचे कोणतेही नेते, कार्यकर्ते होर्डींग बॅनर लावणार नाहीत आणि वृत्तपत्रातून, टिव्हीच्या माध्यमातून जाहीरात प्रसिद्ध करणार नाहीत असे भारतीय जनता पक्षातर्फे भाजप कार्यालय सचिव मुकुंद कुळकर्णी यांनी ही माहिती दिली आहे.
उप मुख्यमंत्री @Dev_Fadnavis यांच्या वाढदिवसानिमित्त पदाधिकारी व कार्यकर्त्यांनी जाहिरात, होर्डिंग्ज, बॅनर लावून उत्सव साजरा करण्याऐवजी सेवाकार्य अधिक करावे असे आवाहन महाराष्ट्र प्रदेश भाजपाकडून करण्यात आले आहे. pic.twitter.com/bRqfCoIGSx
— भाजपा महाराष्ट्र (@BJP4Maharashtra) July 18, 2022
सदर माहिती प्रसिद्धीपत्रकात प्रसिद्ध करून सोशल मिडीयावर पोस्ट केली आहे. यामध्ये महाराष्ट्र भाजप पुढे म्हणाले, होर्डींग बॅनर, जाहिराती असे कोणी केल्यास त्याची पक्षातर्फे गंभीर दखल घेतली जाईल, त्यामुळे या सुचनांचे काटेकोरपणे पालन करावे असे भाजपकडून सांगण्यात आले आहे.
ज्या कोणाला योगदान द्यायचे आहे, त्यांना विविध सेवाकार्यात योगदान द्यावे असे आवाहन सुद्धा पत्रकातून करण्यात आले आहे.
हे सुद्धा वाचा…
शिंदे गटाची क्रेझ वाढली! कोल्हापूरचे शिवसेना खासदार संजय मंडलिक यांचा लवकरच शिवसेनेला रामराम?