टीम लय भारी
मुंबई : महाराष्ट्र्र राज्य सरकारकडून राज्यातील पोलीस भरतीची घोषणा करण्यात आली आहे. याबाबतची माहिती गृहमंत्री दिलीप वळसे पाटील यांच्याकडून देण्यात आली आहे. त्यामुळे आता पोलीस भरतीसाठी इच्छुक असलेल्या आणि पात्र असलेल्या तरुणांच्या भरतीचा मार्ग मोकळा झाला आहे. यंदाची पोलीस भरती ही मेगा पोलीस भरती असल्याचे सांगण्यात आले आहे.
यंदा राज्य सरकारकडून तब्बल सात हजार जागांसाठी पोलीस भरती करण्यात येणार आहे. ही भरती जिल्हा निहाय करण्यात येणार आहे. याबाबतचे आदेश राज्य सरकारकडून काढण्यात आले आहेत. ही भरती प्रक्रिया लवकरच सुरु करण्यात येणार आहे. यंदाची ही मेगा भरती असणार आहे. त्यामुळे महाराष्ट्रातील तरुणांना पोलीस भरतीमध्ये भरती होण्यासाठीची सुवर्ण संधी असणार आहे.
हे सुद्धा वाचा :
ठाणे मनपाकडून सार्वजनिक आरोग्य विभागाच्या भरतीची जाहिरात प्रसिद्ध