भारत आणि बांगलादेश यांच्यातील T20 मालिकेतील दुसरा सामना दिल्लीत होणार आहे. या सामन्यापूर्वी एक मोठी बातमी समोर आली आहे. बांगलादेशचा महान फलंदाज महमुदुल्लाह या मालिकेनंतर T20 क्रिकेटमधून निवृत्ती घेणार आहे. (Ind vs Ban Mahmudullah announces retirement from T20Is)
IND vs BAN: दुसऱ्या T20 सामन्यासाठी असा असू शकतो भारतीय संघाचा प्लेइंग इलेव्हन
बांगलादेशचा दिग्गज खेळाडू महमुदुल्लाहनेही टी-20 फॉर्मेट सोडण्याचा निर्णय घेतला आहे. बीसीबीच्या एका अधिकाऱ्याने डेली स्टारला सांगितले की, “हा ब्रेक नाही. त्याला टी-20 क्रिकेटमधून निवृत्ती घ्यायची आहे. याची घोषणा तो या मालिकेतच करणार आहे. या मालिकेपूर्वीही त्याने या फॉरमॅटमधून निवृत्ती घेण्याची इच्छा व्यक्त केली होती.’ (Ind vs Ban Mahmudullah announces retirement from T20Is)
तुम्हाला सांगते की, बांगलादेशचा कर्णधार नजमुल हुसेन शांतोनेही याबाबत संकेत दिले होते. तो म्हणाला होता, “ही मालिका महमुदुल्ला भावासाठी खूप महत्त्वाची आहे. तो त्याच्या भविष्याबद्दल निवडकर्त्यांशी चर्चा करू शकतो. माझ्याकडे याबाबत पूर्ण माहिती नाही. पण मला विश्वास आहे की तो बोर्ड आणि निवडकर्त्यांशी त्याच्या भविष्याबद्दल नक्कीच बोलू शकेल.”(Ind vs Ban Mahmudullah announces retirement from T20Is)
महमुदुल्लाहने बांगलादेश संघासाठी आतापर्यंत 139 टी-20 सामने खेळले आहेत. महमुदुल्लाहने 2007 मध्ये बांगलादेशकडून पहिला टी-20 सामना खेळला होता. त्याने आपल्या कारकिर्दीत 117.74 च्या स्ट्राइक रेटने 2395 धावा केल्या आहेत. या काळात त्याने 40 विकेट्सही घेतल्या आहेत. (Ind vs Ban Mahmudullah announces retirement from T20Is)
महमुदुल्लाहने 2021 मध्ये कसोटीतून निवृत्ती घेतली होती हे विशेष. त्याने बांगलादेशकडून 50 कसोटी सामने खेळले आहेत. मात्र, तो बांगलादेशकडून वनडे खेळणे सुरू ठेवू शकतो. त्याने बांगलादेशकडून 232 एकदिवसीय सामने खेळले आहेत. (Ind vs Ban Mahmudullah announces retirement from T20Is)