रॉयल चॅलेंजर्स बंगळुरूचे चाहत्यांसाठी आनंदाची बातमी आहे. RCB चा स्टार फलंदाज विराट कोहली पुन्हा एकदा कर्णधारची जबाबदारी सांभाळताना दिसणार आहे. होय, विराट कोहली IPL 2025 मध्ये आरचीबीचे नेतृत्व करताना दिसणार आहे. ताज्या वृत्तानुसार कोहलीने आगामी हंगामात संघाचे नेतृत्व करण्यास होकार दिला आहे. फाफ डू प्लेसिसच्या नेतृत्वाखाली संघाची गेल्या मोसमात कामगिरी काही खास नव्हती. त्यामुळेच संघ पुन्हा कोहलीवर गेला आहे. आजपर्यंत आरसीबी संघाला एकदाही आयपीएल ट्रॉफी जिंकता आलेली नाही. (Virat Kohli to captain RCB in IPL 2025)
बॉर्डर-गावस्कर ट्रॉफीपूर्वी ऑस्ट्रेलियाने केली मोठी घोषणा
विराट कोहली इंडियन प्रीमियर लीगच्या 18 व्या हंगामात पुन्हा एकदा रॉयल चॅलेंजर्स बंगळुरूचे नेतृत्व करताना दिसणार आहे. संघ व्यवस्थापनाशी झालेल्या संभाषणात कोहलीने पुन्हा आरसीबीची सूत्रे हाती घेण्याचे मान्य केले आहे. फाफ डू प्लेसिस गेल्या तीन मोसमात संघाचे नेतृत्व करत होता, पण या स्पर्धेत बंगळुरूची कामगिरी काही खास नव्हती. गेल्या हंगामात, संघाने एलिमिनेटरपर्यंत प्रवास केला होता, जिथे राजस्थान रॉयल्सने प्रथमच चॅम्पियन बनण्याचे आरसीबीचे स्वप्न भंग केले. (Virat Kohli to captain RCB in IPL 2025)
केएल राहुलने स्वतः सोडला लखनौ सुपर जायंट्स संघ, जाणून घ्या कारण
विराट कोहलीने 2013 मध्ये पहिल्यांदा रॉयल चॅलेंजर्स बंगळुरूचे नेतृत्व केले होते. यानंतर तो २०२१ पर्यंत संघाचा कर्णधार राहिला. मात्र, कोहलीच्या नेतृत्वाखालीही संघाला पुन्हा एकदा विजेतेपद मिळवण्यात यश आले नाही. 2016 मध्ये विराटच्या नेतृत्वाखाली संघ अंतिम फेरीत पोहोचला होता, मात्र विजेतेपदाच्या सामन्यात संघाला सनरायझर्स हैदराबादकडून पराभवाचा सामना करावा लागला होता. भारताचे टी-20 कर्णधारपद सोडण्यासोबतच कोहलीने आरसीबी संघाचीही धुरा सोडली. कोहली गेल्या तीन मोसमात फलंदाज म्हणून संघात खेळत आहे. कायम ठेवल्या जाणाऱ्या खेळाडूंमध्ये कोहली हा आरसीबीची पहिली पसंती असेल, असे मानले जात आहे. (Virat Kohli to captain RCB in IPL 2025)
IPL 2025 मध्ये विराट कोहली त्याच्या नेतृत्वाखाली RCB ची ट्रॉफीची प्रतीक्षा संपवू इच्छितो. कोहलीने 2008 मध्ये रॉयल चॅलेंजर्स बंगळुरूकडून इंडियन प्रीमियर लीगमध्ये पदार्पण केले. तेव्हापासून तो बेंगळुरू संघाशी जोडला गेला आहे. किंग कोहलीने आरसीबीसाठी आतापर्यंत एकूण 252 सामने खेळले आहेत आणि या काळात त्याने आपल्या बॅटने 8004 धावा केल्या आहेत. विराटने या लीगमध्ये 8 शतके आणि 55 अर्धशतके केली आहेत. (Virat Kohli to captain RCB in IPL 2025)