टीम लय भारी
मुंबई : ड्रग्ज पेडलर व अंडरवर्ल्डशी संबंधांवरून अल्पसंख्याक मंत्री नवाब मलिक (Nawab Malik) व विरोधी पक्ष नेते देवेंद्र फडणवीस (Devendra Fadnavis) यांच्यात सुरू असलेले आरोप-प्रत्यारोप शिगेला पोहोचले आहेत. नवाब मलिक यांनी बुधवारी घेतलेल्या पत्रकार परिषदेत फडणवीस यांच्यावर नवे आरोप केले होते. त्याला फडणवीस यांनी जॉर्ज बर्नाड शॉचं वाक्य ट्विट करून प्रतिक्रिया दिली होती. फडणवीसांच्या या ट्वीटनंतर आता शिवसेनेचे खासदार संजय राऊत (Sanjay Raut) यांनी ट्विट केलं आहे(Sanjay Raut’s attack on Fadnavis’ tweet).
आर्यन खान ड्रग्ज प्रकरणानंतर नवाब मलिक यांनी ‘एनसीबी’चे अधिकारी समीर वानखेडे यांची पोलखोल करण्यास सुरुवात केली होती. तेव्हापासून आरोप करताना व त्याचे पुरावे ट्वीट करताना नवाब मलिक रोज एखादा ‘शेर’ ट्विट करायचे. नंतर फडणवीस यांच्याशी शाब्दिक चकमक उडाली असतानाही मलिक यांनी हीच शेरोशायरी सुरू ठेवली होती.
संजय राऊतांनी देशात पाकिस्तान जिंदाबादचे नारे देणाऱ्यांवर सामनातून केली टीका
बांगलादेशातील हिंदूंना वाचविण्यासाठी मोदींनी तातडीने पावलं उचलावीत : संजय राऊत
काल घेतलेल्या पत्रकार परिषदेत मलिक यांनी फडणवीस यांच्या अंडरवर्ल्डशी असलेल्या संबंधांचे काही दाखले दिले. त्याचबरोबर, त्यांनी फडणवीसांवर राजकारणाचं गुन्हेगारीकरण व बनावट नोटांच्या रॅकेटला संरक्षण दिल्याचाही आरोप केला. मलिक यांच्या या आरोपांमुळं खळबळ उडाली होती. फडणवीस त्यावर काय बोलतात याकडं सर्वांचं लक्ष लागलं होतं. मात्र, त्यांनी शॉ यांच्या इंग्रजी ओळी ट्विट केल्या. ‘फार पूर्वी मी शिकलो होतो, डुकराशी कधीही कुस्ती खेळू नका. त्यामुळं आपल्या अंगावर घाण उडते, याउलट डुकराला मजा येते’, असं फडणवीस यांनी म्हटलं होतं.
पंजाबमधील राजकीय गोंधळामागे नरेंद्र मोदी आणि अमित शाह यांचा सहभाग; शिवसेनेचा हल्लाबोल
NCP Leader’s Allegations Due To Anger But Slugfest Should End: Sena’s Sanjay Raut