प्रशांत चुयेकर : टीम लय भारी
कोल्हापूर : आमदार गोपीचंद पडळकर यांनी शरद पवारांवर पुन्हा एकदा शेलक्या शब्दांमध्ये टीका केली आहे ( Gopichand Padalkar attacks on Sharad Pawar ). शरद पवारांची विचारसणी बिनबुडाची आहे. ते फसवे चाणक्य आहेत, असा वार पडळकर यांनी पवारांवर केला आहे.
शरद पवार आज नवी दिल्लीमध्ये प्रशांत किशोर यांना भेटले. त्यावर फसवे चाणक्य दुसऱ्या चाणक्याचा आधार घेत आहेत, असा पवार यांचा उल्लेख न करता पडळकरांनी वार केला ( Gopichand Padalkar said, Sharad Pawar is fraud Chanakya ).
पडळकर आज कोल्हापूर दौऱ्यावर आहेत. त्यावेळी पत्रकारांशी बोलताना त्यांनी शरद पवारांवर निशाणा साधला.
हे सुद्धा वाचा
गोपीचंद पडळकरांनी धनगर आंदोलन पेटवले
शरद पवार हे महाराष्ट्राला लागलेला कोरोना : गोपीचंद पडळकर
शरद पवारांच्या राजकारणाचा अस्त झाला आहे. त्यांच्या बिनबुडाच्या विचारसरणीला बहुजन भाळणार नाही. तो सावध झाला आहे. शरद पवार हे राष्ट्रवादीच्या माध्यमातून फक्त आपल्या पाहुण्यांना मोठे करतात ( Gopichand Padalkar said, Sharad Pawar’s politics only for his relatives ). त्यासाठी त्यांचे राजकारण आहे. राष्ट्रवादीतून अनेक जण निघून गेले आहेत. आता स्थिरता मिळावी यासाठी ते प्रयत्न करत असल्याची टीकाही पडळकर यांनी केली.
गोपीचंद पडळकर नक्की काय बोलले ते ऐका
पडळकर यांनी अजित पवारांवरही टीकास्त्र सोडले. नोकरीतील पदोन्नतीचे आरक्षण रद्द करून उपमुख्यमंत्री अजित पवार आपली लोक त्या ठिकाणी बसवत आहेत. हे असंविधानिक आहे. यांना संविधान तरी मान्य आहे का ? असा सवालही पडळकर यांनी केला ( Gopichand Padalkar scathing to Ajit Pawar ).
मराठा आरक्षणाबाबत महाविकास आघाडी सरकार अपयशी ठरल्याचे ते म्हणाले ( Gopichand Padalkar said, Mahavikas Aghadi government failed to implement Maratha Reservation ). मागासवर्गीय आयोग नेमायला सांगितला असतानासुद्धा तो नेमला नाही. ही राज्य सरकारची चूक आहे. चुकीचे सांगून चालत नाही. लोक आता हुशार झालेले आहेत. सोशल मीडियावर खूप ऍक्टिव्ह आहेत. त्यांना सर्व कळतं असेही पडळकर म्हणाले.