जबरा फॅन! ऋतुराजला भेटण्यासाठी चाहत्याची थेट मेदानात एन्ट्री, व्हिडिओ व्हायरल

चाहते आपल्या आवडत्या खेळाडूला भेटण्यासाठी खूप वेडे असतात. याची उत्तम उदाहरणे सामन्यादरम्यान आपण अनेकदा पाहिली आहे. धोनी, विराट कोहली यांसारख्या खेळांडूचे चाहते मैदानात आल्याचे व्हिडिओ आपण पाहिले आहेत. आताही तसं काहीसं घडलं आहे. ऋतुराज गायकवाडला भेटण्यासाठी मैदानात चाहता उतरला आहे. महाराष्ट्र प्रीमियर लीग 2023 च्या उद्घाटनाच्या सामन्यात पुणेरी बाप्पाचा सामना कोल्हापूर टस्कर्सशी झाला. पुणेरी बाप्पाने हा सामना 8 गडी राखून जिंकला. पुणेरी बाप्पा संघाकडून कर्णधार आणि सलामीवीर ऋतुराज गायकवाडने मॅचविनिंग इनिंग खेळली. या सामन्यानंतर त्याला सामनावीराचा पुरस्कार देण्यात आला.

या सामन्याचा एक व्हिडिओ सध्या सोशल मीडियावर व्हायरल होत आहे, ज्यामध्ये एक चाहता ऋतुराज गायकवाडला भेटण्यासाठी गेला आणि शेवटी गायकवाडला भेटल्यानंतर त्याच्या पायाला स्पर्श केला. ऋतुराज गायकवाड आणि पवन शाह यांनी डावाची सुरुवात केली. ऋतुराजने जबरदस्त फटकेबाजी करुन त्याने फक्त 22 चेंडूत अर्धशतक पूर्ण केले आहे. ऋतुराज गायकवाडने आपल्या खेळीत 27 चेंडूमध्ये 5 चौकार आणि 5 षटकार मारत 64 धावा केल्या. पवन शाहने 48 चेंडूत 57 धावा केल्या. दोघांनीही 110 धावांची भागीदारी केली.

हे सुध्दा वाचा:

समान नागरी कायद्यावर काय म्हणाले शरद पवार ?

‘आदिपुरुष’चा फर्स्ट डे फर्स्ट शो हाऊसफुल्ल, चाहत्यांकडून ढोल-ताशांच्या गजरात चित्रपटाचे स्वागत

मुंबईकरांनो पाणी जपून वापरा, पालिकेने दिला पाणी कपातीचा इशारा

ऋतुराज फलंदाजी करत असताना चाहत्याने मैदानात येऊन सामन्यात अडचण निर्माण केली. ऋतुराजच्या पायाला स्पर्श करुन तो तिथून निघून गेला. मोठ्या स्पर्धांमध्ये अशा घटना घडल्यावर कठोर कारवाई करतात. या एमपीएल स्पर्धेत घडलेल्या घटनांवर कोणतीही प्रकारे कारवाई करण्यात आली नाही.