चेन्नई सुपर किंग्सचा वेगवान गोलंदाज तुषार देशपांडेने उरकला साखरपुडा, जाणून घ्या कोण आहे त्याची जीवनसाथी

चेन्नई सुपर किंग्स आयपीएल 2023 जिंकल्यानंतर ऋतुराज गायकवाडचा काही दिवसातच साखरपुडा झाला. तसाच चेन्नई सुपर किंग्सचा वेगवान गोलंदाज तुषार देशपांडे हा देखील विवाह बंधनात अडकणार आहे. तुषार देशपांडेने लहानपणीच्या मैत्रिणीसोबत साखरपुडा झाला आहे. तुषारची लहानपणीची मैत्रिण नभा गड्डमवार ही आहे. तुषारला शाळेच्या दिवसांपासूनच नभा आवडायची. साखरपुड्यानंतर स्वत: फोटो शेअर करुन याबाबत माहिती दिली आहे. कसोटी क्रिकेटमध्ये वापरण्यात येणारा लाल चामड्याचा चेंडूही तुषारच्या साखरपुड्यामध्ये ठेवण्यात आला होता. या दोन्ही अंगठ्या चेंडूवर ठेऊन तुषार आणि नभाने फोटो काढला आहे. यानंतर एकमेकांना अंगठी घातली.

नभा गड्डमवार ही व्यवसायाने चित्रकार असून ती भेटवस्तूही डिझाइन करते. तिचे एक इंस्टाग्राम पेज आहे जिथे ती तिच्या पेंटिंग्ज आणि इतर कामांची छायाचित्रे शेअर केली आहे. तुषार देशपांडेच्या साखरपुड्याला चेन्नई सुपर किंग्सचा अष्टपैलू शिवम दुबे आणि त्याची पत्नी अंजुम खानही उपस्थित होती. she got promoted from my school crush to my fiance असे तुषारने त्याच्या पोस्टवर लिहिले आहे.

हे सुध्दा वाचा:

शिवसेनेच्या जाहिरातीमुळे फडणवीसांचा एकनाथ शिंदेंसोबतचा कोल्हापूर दौरा रद्द ?; राजकीय वर्तुळात चर्चांना उधान

मुंबई- पुणे एक्सप्रेसवर मोठा अपघात, ऑइल टॅंकरला आग लागल्याने 4 जणांचा मृत्यू

जानू भोये नगरमधील पहिल्या मजल्यावर राहणाऱ्या झोपडीधारकांच्या घराचे स्वप्न साकार

ऋतुराज गायकवाड, सूर्यकुमार यादव आदी खेळांडूनी तुषार देशपांडेचे अभिनंदन केले आहे. आमच्या क्लबमध्ये तुझे स्वागत भाऊ, असे ऋतुराजने लिहिले आहे. दरम्यान, तुषार देशपांडेने आयपीएल 2023 मध्ये चेन्नई सुपर किंग्ससाठी सर्वाधिक विकेट्स घेतल्या होत्या.