मुंबई पुन्हा हादरली ! लिव्ह इनमध्ये राहणाऱ्या तरुणीची हत्या

चर्नी रोड येथील वसतिगृहातील हत्याकांडानंतर मुंबई पुन्हा एकदा हादरली आहे. एका 32 वर्षीय महिलेची हत्या केल्याची घटना घडली आहे. लिव्ह-इन पार्टनरने तिच्या मृतदेहाचे तुकडे केले आहे. महाराष्ट्रातील मीरा रोड शहरात त्यांच्या भाड्याच्या निवासस्थानी ही घटना घडली आहे. या महिलेची दोन-तीन दिवसांपूर्वी हत्या झाली होती. आकाशदीप इमारतीच्या 7व्या मजल्यावरील फ्लॅट क्रमांक 704 मध्ये ही निर्घृण हत्या झाल्याचे सांगितले जात आहे.

काही शेजाऱ्यांनी बंद फ्लॅटमधून दुर्गंधी येत असल्याची तक्रार करून पोलिसांना माहिती दिल्यानंतर सायंकाळी हा गुन्हा उघडकीस आला. नयानगर पोलिस ठाण्याचे पथक घटनास्थळी दाखल झाले आणि त्यांनी घर उघडले. तेथे त्यांना पीडितेचा मृतदेह सापडला. त्याचे अनेक तुकडे केले गेले होते. तसेच काही तुकडे गहाळ झाले किंवा त्याची विल्हेवाट लावली गेली. सरस्वती वैद्य (32) असे पीडित महिलेचे नाव आहे, ती तिच्या (56) वर्षीय साथीदार मनोज साने सोबत आकाशदीप इमारतीतील भाड्याच्या फ्लॅटमध्ये 3 वर्षांपासून राहत होते.

हे सुध्दा वाचा :

मुख्यमंत्री एकनाथ शिंदे रात्री ग्वाल्हेरवरून आले आणि सकाळी सकाळी कार्यक्रमाला नवी मुंबईत पोहचले

PWD च्या माध्यमातून होणारी कामे देशासाठी समर्पित असतात : मंत्री रविंद्र चव्हाण

मुंबईत 19 वर्षीय विद्यार्थिनीवर बलात्कार करुन हत्या; आरोपी सुरक्षारक्षकाने रेल्वेखाली केली आत्महत्या

मृतदेहाचे तुकडे करून आरोपी ते तुकडे प्रेशर कुकरमध्ये टाकायचा, ते उकळायचा आणि मग मिक्सरमध्ये बारीक करायचा. हे तुकडे तो पिशवीत भरून इमारतीच्या मागे असलेल्या गटारात फेकून द्यायचा. यासाठी तो त्याच्या बाईकचा वापर करायचा. गुन्हा करण्यासाठी वापरलेलं साहित्य पोलिसांनी जप्त केले. या आरोपीवर कलम 302 आणि 201 हा गुन्हा दाखल करण्यात आला.