पहिलवानाच्या खून प्रकरणातील संशयित अटकेत

दोन दिवसांपूर्वी वाडीवऱ्हे येथील सांजेगावातील उत्तर महाराष्ट्र केसरी पहिलवान भूषण लहामगे खून (murder) प्रकरणतील संशयित त्याचा चुलत भाऊ वैभव लहामगे याला ठाणे ग्रामीण पोलिसांनी अटक केली आहे. वैभव याने भूषणची हत्या करण्यापूर्वी नाशिकच्या जुना गंगापूर नाक्यावरील आयसीआयसीआय होम फायनान्स बँकेत पाच कोटींच्या दागिने चोरल्याचे समोर आले. त्यामुळे एकाचवेळी दोन गुन्ह्यांची उकल झाली आहे.(Suspect in Pahilwana’s murder case arrested)

याबाबत अधिक माहिती अशी की, १० मे रोजी दुपारी साडेचार वाजता नाशिक-मुंबई महामार्गावरील राजूर फाटा येथे भूषण लहामगे (वय ४५) या पहिलावानाची हत्या (murder) झाली. याप्रकरणी त्याचा चुलत भाऊ संशयित वैभव यशवंत लहामगे, काका यशवंत लहामगे व काकू सुमनबाई लहामगे यांच्याविरुद्ध वाडीवऱ्हे पोलिसांत खुनाचा गुन्हा नोंद आहे. जमिनीसह आर्थिक वादातून भूषण याने ही हत्या केल्याचे तपासात समोर येत आहे. हत्येनंतर यशवंत यांना नाशिक पोलिसांनी अटक केली. तर पसार झालेल्या वैभवला ठाणे पोलिसांनी बेड्या ठोकल्या आहेत. दरम्यान, भूषण याचा वैभवसोबत आर्थिक वाद होता का? याबाबत पोलिस तपास करीत आहेत.