टीम लय भारी
नवी दिल्ली : देशात कोरोना व्हायरसची दुसरी लाट धोकादायक असल्याचा अहवाल एसबीआयने नुकताच दिला आहे. या दुसऱ्या लाटेत अनेक अभिनेते, दिग्गज नेते यांना कोरोनाची लागण झाली आहे. त्यानंतर शनिवारी सकाळी मास्टरब्लास्टर सचिन तेंडुलकर याला कोरोनाची लागण झाल्याची माहिती समोर आली होती. आता युसुफ पठाणलाही कोरोनाची लागण झाल्याची माहिती समोर आली आहे.
युसुफ पठाणने आपल्या अधिकृत ट्विटर अकाऊंटवरून याची माहिती दिली. तसेच त्याने आपल्या संपर्कात आलेल्यांनी लवकरात लवकर आपली कोरोना चाचणी करून घ्यावी, असे आवाहन केले आहे. काही दिवसांपूर्वीच रोड सेफ्टी ही क्रिकेट सीरिज पार पडली. यावेळी सचिन तेंडुलकर, युसुफ पठाण, युवराज सिंग, इरफान पठाण यांच्यासारखे दिग्गज खेळाडू सहभागी झाले होते.
“माझी कोरोना चाचणी पॉझिटिव्ह आली आहे. कोरोनाची सौम्य लक्षण आढळून आली आहेत. कोरोनाचा अहवाल पॉझिटिव्ह आल्यानंतर मी स्वत:ला होम क्वारंटाईन केलं आहे. तसंच आवश्यक ती काळजी आणि औषधोपचार घेत आहे. गेल्या काही दिवसांत जे लोकं माझ्या संपर्कात आले आहेत त्यांनी लवकरात लवकर आपली कोरोना चाचणी करून घ्यावी,” असे आवाहन युसुफ पठाण याने केले आहे.
सचिन तेंडुलकरलाही कोरोनाची लागण
“मला सौम्य लक्षणे आढळली असून, माझी कोरोना चाचणी पॉझिटिव्ह आली आहे. मी काळजी घेत आहे. सर्वांनी काळजी घ्या” असं सचिन तेंडुलकरनं म्हटलं. तसेच सचिनच्या कुटुंबातील इतर सदस्यांनीदेखील कोरोना चाचणी केली असून सर्वांचे रिपोर्ट निगेटिव्ह आले आहेत.
वेगाने पसरणाऱ्या कोरोना व्हायरसचा जगभरात उद्रेक पाहायला मिळत आहे. जगभरातील कोरोनाबाधितांची संख्या ही तब्बल १२ कोटींच्या वर गेली असून लाखो लोकांचा मृत्यू झाला आहे. तर दुसरीकडे भारतात कोरोनाचा संसर्ग रोखण्यासाठी लॉकडाऊन सुरू आहे. याच दरम्यान चिंताजनक आकडेवारी समोर येत आहे. देशात धोका वाढला असून कोरोनाच्या आकडेवारीने रुग्णांच्या संख्येचा रेकॉर्ड मोडला आहे.
महाराष्ट्र शासनाच्या कृषी विभागामार्फत राज्यात कृषी, फलोत्पादन आणि संलग्न क्षेत्रांमध्ये उल्लेखनीय कार्य करणाऱ्या शेतकरी, व्यक्ती,…
3 ऑक्टोबरपासून देशभरात नवरात्री उत्सव सुरु होणार आहे. याच दिवशी महिला T20 विश्वचषक 2024 स्पर्धा…
लय भारी चे संपादक तुषार खरात हे महाराष्ट्रातील विविध विधानसभा मतदारसंघाचे दौरे करत करत ते…
बदलत्या ऋतूमध्ये लोकांना अनेक समस्यांना सामोरे जावे लागते, त्यापैकी सर्दी, खोकला आणि शिंका येणे ही…
लय भारी चे संपादक तुषार खरात हे महाराष्ट्रातील विविध विधानसभा मतदारसंघाचे दौरे करत करत ते…
मासिक पाळीच्या काळात अनेक महिलांना असह्य वेदना, पेटके आणि पचनाच्या अनेक समस्यांना तोंड द्यावे लागते.…