कढीपत्त्याची पानं फ्रिजमध्ये ठेवल्यानंतरही काळी पडतात? वापरा ‘या’ ट्रिक्स

आपण स्वयंपाक करताना पदार्थांना स्वाद आणि चव येण्यासाठी विविध प्रकारचे मसाले वापरतो. यामध्ये खड्या मसाल्यांसोबत कढीपत्त्याचा (Curry Leave) देखील वापर अधिक होत असतो. डाळ, पोहे, उपम्यासह अनेक भाज्यांची चव आणि सुगंध वाढवण्यासाठी कढीपत्त्याचा (Curry Leave) वापर केला जातो. अनेकजण आपल्या परड्यात किंवा कुंडीमध्ये कढीपत्त्याचे (Curry Leave) झाड लावतात. त्यामुळं त्यांना ताजा कढीपत्ता मिळतो. पण काहीजणांना बाजारातून कढीपत्ता विकत आणावा लागतो. बाजारातील आणलेला कढीपत्ता(Curry Leaves) अधिक दिवस जाण्यासाठी फ्रिजमध्ये ठेवला जातो. पण कधी कधी कढीपत्त्याची पानं फ्रिजमध्ये ठेवल्यानंतरही काळी पडतात. त्यामुळे अनेक गृहिणींना कढीपत्ता कसा फ्रिजव्ह करायचा? कढीपत्ता खूप दिवस कसा ताजातवाणा ठेवायचा? असं अनेक प्रश्न उपस्थित होत असतात. त्यासाठी काही ट्रिक्स…(Curry Leaves Simple tricksTo Preserve)

कढीपत्ता जास्त दिवस साठवायचा असेल तर प्रथम तो नीट साफ करा, खराब झालेली किंवा किड लागलेली पानं काढून टाका. यानंतर स्वच्छ पाण्याने धुवा.

पानांमधील पाणी संपूर्ण नितळण्यासाठी सूती कापडावर थोडा वेळ पसरवुन ठेवा. त्यासाठी तुम्ही कोवळ्या उन्हात जरी ठेवलात तरी चालेल.

गुढी पाडव्याला कडू लिंबाचा पाला आणि गुळ का खाल्ला जातो? जाणून घ्या

पानं व्यवस्थित सुकल्यानंतर तुम्ही ती हवाबंद डब्यात किंवा पिशवीत सहज साठवून फ्रिजमध्ये ठेवू शकता. अस केल्यास पानांना बुरशी लागणार नाही. यासोबत ती खूप दिवस ताजी टवटवीत राहतात.

कढीपत्याची पानं १ ते २ आठवड्यापर्यंत साठवण्यासाठी पेपर टॉव्हेलमध्ये गुंडाळूनही फ्रिजमध्ये ठेवू शकता.
कढीपत्त्याची सुकलेली पानं ताजी ठेवण्यासाठी तुम्ही डब्ब्यात लिंबू ठेवा. यामुळे कढीपत्त्याची पानं आठवडाभर हिरवीगार राहतात.

कढीपत्याचे फायदे

जेवणात कढीपत्ता वापरल्याने चव तर येतेच पण त्याचबरोबर रोजच्या आहारात त्याचा समावेश केल्यास आरोग्यासाठी अनेक फायदे आहेत. रोज सकाळी कडीपत्ता खाल्ल्यास मॉर्निंग सिकनेस कमी होईल. तसंच, रिकाम्या पोटी कढीपत्ता चावून खाल्ल्यास यकृताचे आरोग्य सुधारते. कढीपत्ता खाल्यास पचनक्रियादेखील सुधारते. बद्धकोष्ठता, अॅसिडीटी आणि अपचन यासारख्या समस्या आराम मिळतो. तुम्ही दही किंवा ताकासोबत कढीपत्ता खाऊ शकता.

वजन कमी करण्यासाठी सकाळी नाश्त्याला नेमकं काय खावं?

कढीपत्त्यामुळं शरिरातील अतिरिक्त चरबी कमी होते. त्यामुळं वजन कमी करण्यास मदत होते. कढीपत्ता खाल्ल्याने रक्तातील साखरेची पातळीही नियंत्रित राहते.

मायग्रेन, डोकेदुखी, डायबिटीस, थायरॉईड, तोंडाचा अल्सर, वजन कमी करणे, हार्मोन्सचे असंतुलन अशा विविध समस्यांवर कढीपत्ता उपयुक्त असतो.