अजित पवारांनी भाजपला ठणकावून सांगितले, जीएसटीचे ३५ हजार कोटी द्या; इंधन दरवाढीतून जनतेला वाचवा

 टीम लय भारी

मुंबई :- महाराष्ट्र राज्य विधिमंडळांचं अर्थसंकल्पीय अधिवेशन सुरु आहे. वाढत्या इंधन (Petrol Diesel) दरवाढीचा मुद्दा महाराष्ट्र विधिमंडळाच्या अर्थसंकल्पीय अधिवेशनात (Maharashtra Budget Session 2021) सातत्याने चर्चिला जात आहे. उपमुख्यमंत्री अजित पवार यांनी माजी पंतप्रधान डॉ. मनमोहन सिंग (Dr Manmohan Sing) यांच्या कार्यकाळातील पेट्रोल डिझेलच्या दराचा दाखला देत केंद्र सरकारवर तसेच भाजपवर शरसंधान साधलं तसंच ८ तारखेला मांडल्या जाणाऱ्या अर्थसंकल्पात मी याविषयावर बोलेनच, असे ही सुनावले. (DCM Ajit Pawar On Petrol Diesel Price)

कोरोनाचा प्रादुर्भाव वाढत आहे त्यात लोकांना जगण कठिण झाले आणि त्यामध्ये महागाई देखील मोठ्या प्रमाणात वाढत आहे. म्हणून अजित पवार यांनी जीएसटीचे ३५ हजार कोटी द्या आणि इंधन दरवाढीतून जनतेला वाचवा असे स्पष्ट सांगितले आहे. केंद्र सरकारने यावर तातडीने निर्णय घ्यावा.

अजित पवार नेमकं काय म्हणाले?

“पेट्रोलवर केंद्र सरकारने लावलेले कर किमतीपेक्षा जास्त आहेत, असा आरोप करत या राज्य सरकारने पूर्वीच्या सरकारने ठेवलेले दर कायम ठेवले आहेत, असे अजित पवार म्हणाले. पेट्रोलचे डिझेलचे सध्याचे आंतराष्ट्रीय बाजार प्रति बॅरल ६३ डॉलर असताना इतके दर वाढत आहेत. मनमोहन सिंग यांच्या काळात प्रति बॅलर १०३  डॉलर होते”, असे ही अजित पवार सांगायला विसरले नाहीत.

“केंद्र सरकारने पेट्रोल आणि डिझेलच्या किंमतीपेक्षा जास्त कर लावले आहेत. आम्ही अधिकचे टॅक्स लावलेले नाहीत. ते पहिलेच आहेत, आम्ही यामध्ये अजिबात जास्तीचे कर लावलेले नाहीत. आमची टॅक्स लावायची भूमिका नाही”, असे ही अजित पवार म्हणाले.