संजय राऊतांनी माफी मागावी : भाजपची मागणी

टीम लय भारी

मुंबई : डॉक्टरांपेक्षा कंपाउंडरला जास्त कळते, असे विधान करून कोरोना योद्ध्यांचा अपमान करणाऱ्या शिवसेनेचे खासदार संजय राऊत यांनी जाहीर माफी मागावी, अशी मागणी भाजपने केली आहे (BJP demands, Sanjy Raut should apologies ).

डॉक्टरांपेक्षा कम्पाउंडरला जास्त कळते, असे विधान शिवसेनेचे खासदार संजय राऊत यांनी एका वृत्तवाहिनीशी बोलताना केले ( Sanjay Raut’s controversial statement on Doctors ). या विधानावरून भाजपा आक्रमक झाली आहे. संजय राऊत यांनी असे विधान करून कोरोना योद्ध्यांचा अपमान केला आहे. त्यांनी माफी मागावी, अशी मागणी भाजपाने केली आहे.

हे सुद्धा वाचा

पार्थ पवारांच्या नावाने लोकांना मदतीचा हात

धनगर समाजाच्या ‘या’ मागणीसाठी सुप्रिया सुळे पुढाकार घेणार

मंत्रीमंडळाची बैठक रायगडावर घ्यावी : छत्रपती संभाजीराजे

VIDEO : देवेंद्र फडणविसांचा ठाकरे सरकारवर घणाघात; बदल्यांमध्ये ‘अर्थ’पूर्ण व भयानक प्रकार

यावेळी जागतिक आरोग्य संघटनेला काय कळते ? ती सीबीआयसारखीच आहे. जागतिक आरोग्य संघटना म्हणजे इकडून तिकडून गोळा केलेल्या माणसांचा एक गट आहे. त्यांच्यामध्ये डॉक्टर असले म्हणून काय झाले? खरेतर डॉक्टरांपेक्षा कंपाउंडरला जास्त कळते. मी कधीच डॉक्टरांकडून औषध घेत नाही. कंपाउंडरकडून औषध घेतो. त्यांना जास्त कळते, असे राऊत म्हणाले होते.

तुम्ही त्या डब्ल्यूएचओ वाल्यांच्या नादाला लागू नका. त्यांच्यामुळेच कोरोना वाढला आहे, असे खळबळजनक आरोप संजय राऊत यांनी केले (Sanjay Raut said, coronavirus spread due to World health organization ).

दरम्यान, संजय राऊत यांच्या या विधानावरून भाजपा आक्रमक झाली आहे  ( BJP aggressive against Sanjay Raut ). कोरोनाच्या संकटात डॉक्टर हे देवदूत म्हणून काम करत आहेत. त्यांच्याबद्दल संजय राऊत यांनी असे विधान करणे म्हणजे डॉक्टरांचा फार मोठा अपमान आहे. त्यामुळे संजय राऊत यांनी राज्यातीलच नव्हे तर देशातील सर्व डॉक्टरांची जाहीर माफी मागावी, अशी मागणी भाजपाचे प्रवक्ते राम कुलकर्णी यांनी केली आहे.

ताज्या बातम्यांसाठी आमचे ट्विटर अकाऊंट फॉलो करा