ईव्हीएम मशिन परिसरात स्ट्राँगरूमच्या स्वच्छतेसाठी 44 कर्मचाऱ्यांचे विशेष पथक

नाशिक व दिंडोरी लोकसभा मतदारसंघांचे सोमवारी (ता. २०) मतदान झाले. मतदान झाल्यावर सर्व ईव्हीएम यंत्रे अंबड येथील सेंट्रल वेअर हाउसमध्ये ठेवण्यात आली. मतदान यंत्रांच्या सुरक्षेसाठी कडेकोट पोलिस बंदोबस्त ठेवण्यात आला आहे. त्याचबरोबर ईव्हीएम मशिन परिसरात स्वच्छता ठेवण्यासाठी महापालिकेला सूचना देण्यात आल्या होत्या. त्या अनुषंगाने महापालिकेच्या घनकचरा व्यवस्थापन विभागाने कर्मचाऱ्यांचे पथक नियुक्त केले आहे.लोकसभेच्या दिंडोरी व नाशिक लोकसभेचे मतदान संपल्यावर ईव्हीएम यंत्रे अंबड येथील सेंट्रल वेअर हाउसमधील स्ट्राँगरूममध्ये (strongroom) ठेवण्यात आली आहेत. या स्ट्राँगरूमच्या (strongroom) स्वच्छतेसाठी महापालिकेतर्फे ४४ कर्मचाऱ्यांची नियुक्ती करण्यात आली आहे.(A special team of 44 personnel to clean the strongroom in the EVM machine area )

कचरा संकलनासाठी दोन स्वतंत्र घंटागाड्या व २० तात्पुरत्या शौचालयांची व्यवस्था करण्यात आल्याची माहिती घनकचरा व्यवस्थापन विभागाचे संचालक डॉ. आवेश पलोड यांनी दिली.

सर्व ईव्हीएम यंत्रे अंबड येथील सेंट्रल वेअर हाउसमध्ये ठेवण्यात आली. मतदान यंत्रांच्या सुरक्षेसाठी कडेकोट पोलिस बंदोबस्त ठेवण्यात आला आहे. त्याचबरोबर ईव्हीएम मशिन परिसरात स्वच्छता ठेवण्यासाठी महापालिकेला सूचना देण्यात आल्या होत्या. त्या अनुषंगाने महापालिकेच्या घनकचरा व्यवस्थापन विभागाने कर्मचाऱ्यांचे पथक नियुक्त केले आहे. विभागीय स्वच्छता निरीक्षक, दोन स्वच्छता निरीक्षक, दोन मुकादम व ३९ सफाई कर्मचारी येथे नियुक्त करण्यात आले. कर्मचाऱ्यांसाठी निवडणूक निर्णय अधिकारी कार्यालयाकडून विशेष ओळखपत्रे तयार करण्यात आली आहेत स्ट्राँगरूममध्ये कार्यरत असलेले कर्मचारी तसेच पोलिसांसाठी शौचालयांची व्यवस्था करण्यात आली. दरम्यान, शहरातील मतदान केंद्रांची महापालिकेतर्फे स्वच्छता करण्यात आली. पूर्व विभागातील ३७ मतदान केंद्रांसाठी १११ सफाई कर्मचारी, पश्चिम विभागातील २९ मतदान केंद्रांसाठी ८७. सातपूर विभागातील १८ मतदान केंद्रांसाठी ३६, सिडको विभागातील ४३ मतदान केंद्रांसाठी ८६, नाशिक रोड विभागातील २२ मतदान केंद्रांसाठी ४६, तर पंचवटी विभागातील ३२ मतदान केंद्रांसाठी १२० सफाई कर्मचाऱ्यांची नियुक्ती करण्यात आली होती.