नाशिक महापालिकेला विकास कामांसाठी निधीची गरज असताना कोट्यावधी रुपये घरपट्टी, पाणीपट्टी वसुल होणे शिल्लक आहे. दुसरीकडे शहरातील महापालिकेच्या एकूण 2340 गाळे तसेच ओटे धारकांवर तब्बल 50 कोटींची थकबाकी असल्याचे समोर आले आहे. महापालिकेच्या कर विभागाने वसुलीला सुरुवात केली असून पैसे न भरणार्या थकबाकीदारांचे गाळे सील करण्यात येणार आहे. शहरातील सव सहा विभागासाठी एकूण 15 विशेष वसुली पथक तयार करण्यात आले असून तीन वेळा तगादा भेट दिल्यानंतर थेट गाळे सील करण्याची कारवाई करण्यात येणार आहे.नाशिक महापालिका क्षेत्रात एकूण 1987 गाळे तर 353 ओटे आहे. मात्र त्यांच्याकडून वसुली सुरू झाली नसल्याने थकबाकीचा आकडा 50 काटींच्या घरात पोहोचला आहे.महापालिकेचे सहा विभागात 62 व्यापारी संकुल असून त्यात एकूण 2340 गाळे व ओटे आहे. त्यातून दर महिन्याला मिळणारे भाडे महापालिकेच्या उत्पन्नाला हातभार लावते. सर्वाधिक थकबाकी नाशिक पश्चिम विभात विभागात आहे. दरम्यान मनपाने विशेष वसुली मोहीत हाती घेतली असून त्यासाठी 15 विशेष पथक तयार केले आहे. प्रत्येक पथकात एक प्रमुख अधिकारी व तीन सहाय्यक अधिकारी या प्रमाणे असून एका ठिकाणी तीन वेळा तगादा झाल्यानंतर गाळे किवा ओटे सील करण्याची कारवाई होणार आहे.
विभागनिहाय थकबाकी
नाशिक पश्चिम विभाग 29 कोटी 6 लाख
नवीन नाशिक 1 कोटी 39 लाख
पंचवटी 2 कोटी 53 लाख
नाशिकरोड 6 कोटी 59 लाख
सातपूर 5 कोटी 80 लाख
नाशिक पूर्व 7 कोटी 41 लाख
नाशिक महापालिकेने विशेष धडक वसुलीमुळे माहिती घेतली आहे. ज्या गाळेधारकांची किंवा ओटे धारकांची थकबाकी असेल त्यांनी महापालिकेच्या कर विभागाला सहकार्य करुन होणारी कारवाई टाळावी.
– श्रीकांत पवार, उपायुक्त कर, मनपा नाशिक
सध्या महिलांचे जीवन खूप धकाधकीचे झाले आहे. यातच आता कित्येक महिलांमध्ये ओव्हेरियन सिस्टची समस्या झपाट्याने…
आजकाल सर्वांचीच जीवनशैली खूप धावपळीची झाली आहे. त्यामुळे लोकांना खूप कमी वयातच थायरॉईड या आजाराने…
स्त्री असो व पुरुष सर्वांचा आपला चेहरा चमकदार हवा. मात्र, चेहरा नेहमी चमकत राहणं शक्य…
भारतीय जनता पक्ष आता कॉंग्रेसमय झालेला आहे(Bharatiya Janata Party has now become Congress). भाजपमध्ये निष्ठावंतांना…
कोणाला सुंदर आणि जाड भुवया असाव्यात असे कोणाला वाटत नाही? परंतु, सुंदर भुवया मिळविण्यासाठी, त्यांना…
डोसा, इडली आणि ढोकळा अशा अनेक पदार्थ बनवण्यासाठी बेकिंग सोडा वापरला जातो.पण, तुम्हाला माहिती आहे…