शेतकरी आंदोलनाने देशाला वाचवले,आता असंघटित कामगार व कर्मचारी यांनी देशाला वाचवावे – डॉ.उदित राज

टीम लय भारी 

भाजपा सरकार च्या काळात अन्याय अत्याचाराविरोधात जी आंदोलने झाली ती सर्व आंदोलने चिरडून टाकण्यात आली.केवळ शेतकरी   आंदोलनापुढे सरकारला झुकावे लागले.त्या आंदोलनानुळे किसान विरोधी कायदे,कामगार विरोधी कायदे सरकारला मागे घ्यावे लागले.एकंदरीत संविधान विरोधी काम करणार्यांपासुन देशाला वाचविण्याचे काम किसान आंदोलनाने केले आहे.त्यामुळे या पुढील जबाबदारी सुमारे ४० कोटी असंघटित कामगार तसेच कर्मचारी यांची असल्याचे प्रतिपादन अनुसूचित जाती जमाती संघटनांचा अखिल भारतीय परीसंघाचे राष्ट्रीय अध्यक्ष व माजी खासदार डॉ.उदित राज यांनी केले.परिसंघाच्या वतीने आयोजित हॉटेल रंगशारदा,मुंबई येथील चिंतन बैठकीत ते बोलत होते.

परिसंघाचे महाराष्ट्र अध्यक्ष डॉ.संजय कांबळे-बापेरकर यांनी परिसंघाच्या कामकाजाचा आढावा घेत असताना,महाराष्ट्रातील सर्व छोट्या-मोठ्या संघटनांनी स्वतंत्र पणे न लढता परिसंघाला संलग्न होऊन एक मोठा लढा ऊभारावा असे आवाहन केले. कामगार कर्मचारी कॉंग्रेसचे महाराष्ट्र अध्यक्ष मोहम्मद बदरुजम्मा,सुनिल झोडे,प्रितम आठवले,जॉन मोझेस ईगुरी,आर.डी.सोनकर,सिध्दार्थ कांबळे,सुबोध पवार,ज्ञानदेव कोरी आदीनी आपले विचार मांडले.