लय भारी न्यूज नेटवर्क
नवी दिल्ली : केरळमधील शबरीमाला मंदिरात सर्व वयोगटातील महिलांना प्रवेश देण्याबाबतचा सुप्रीम कोर्टाचा निर्णय आणखी लांबणीवर पडला आहे. आज गुरुवारी पुनर्विचार याचिकेवर सुनावणी करताना सुप्रीम कोर्टाच्या पाच न्यायमूर्तींच्या खंडपीठाने हे प्रकरण आता आणखी मोठ्या खंडपीठाकडे वर्ग केलं आहे. त्यामुळे शबरीमाला मंदिरात सर्व वयोगटातील महिलांना प्रवेशाचा निर्णय लांबणीवर पडला आहे.
सुप्रीम कोर्टाच्या सात न्यायमूर्तींच्या खंडपीठाकडून यावर निर्णय घेतला जाईल. पाच न्यायमूर्तींच्या खंडपीठात दोन न्यायमूर्तींच्या असहमतीनंतर हे प्रकरण मोठ्या खंडपीठाकडे पाठवण्याचा निर्णय ३-२ ने घेण्यात आला. यापूर्वी सुप्रीम कोर्टाने १० ते ५० वर्षे वयोगटातील महिलांना प्रवेश बंदी हा लैंगिक भेदभाव असल्याचा निर्णय दिला होता. सुप्रीम कोर्टाने २८ सप्टेंबर २०१८ रोजी दिलेल्या निर्णयानंतर केरळमध्ये मोठ्या प्रमाणात हिंसाचार झाला होता. यानंतर ५६ पुनर्विचार याचिका दाखल करण्यात आल्या. एकूण ६५ पुनर्विचार याचिकांवर सुनावणी करताना सरन्यायाधीश रंजन गोगोई यांच्या अध्यक्षतेखालील घटनापीठाने हे प्रकरण मोठ्या खंडपीठाकडे वर्ग करण्याचा निर्णय घेतला.
पूर्वी ६ फेब्रुवारीला सुनावणी पूर्ण झाल्यानंतर निर्णय राखून ठेवण्यात आला होता. पाच न्यायमूर्तींच्या घटनापीठामध्ये सरन्यायाधीश रंजन गोगोई, जस्टिस आरएफ नरीमन, जस्टिस एएम खानविलकर, जस्टिस डीवाय चंद्रचूड आणि जस्टिस इंदू मल्होत्रा यांचा समावेश आहे. दरम्यान, सुप्रीम कोर्टाच्या निर्णयापूर्वीच केरळमध्ये हाय अलर्ट जारी करण्यात आला होता. शबरीमाला मंदिर परिसरात तगडा बंदोबस्त लावण्यात आला आहे.
पंतप्रधान नरेंद्र मोदी (PM Narendra Modi) यांच्या सरकारच्या निर्णयांमुळे दिव्यांगांच्या सशक्तीकरणासाठी (Divyangs empowerment) मोठी मदत…
गेल्या 10 वर्षे या देशाचा सर्व क्षेत्रात झपाटयाने विकास होत आहे. 2014 ते 2024 या…
मतदान हे देशासाठी देशाच्या विकासासाठी करा असे सांगत केंद्रात नरेंद्र मोदी यांचे हात बळकट करण्यासाठी…
पंतप्रधान नरेंद्र मोदी यांनी ईडी, सीबीआय, इन्कम टॅक्स यंत्रणांच्या माध्यमातून विरोधकांना जेलमध्ये टाकण्याचे काम केले.…
शहरात सावकारीचा फाश सुरुच असल्याचे पुन्हा अधोरेखित झाले आहे. म्हसरुळ भागात अवैध सावकारी करणाऱ्या दाम्पत्याने…
जुने नाशिक येथील जहांगिर कब्रस्तान व इतर ठिकाणांवर दुचाकीस्वार तिघांनी चारचाकी, दुचाकी वाहनांसह घरांवर जळत्या…