कालिदास कोळंबकरांना अधिकार नसतानाही त्यांनी प्रवासाचे पत्र दिले
मुंबईपासून संगमनेरपर्यंत जाण्यासाठी या महिलेला आमदार कालिदास कोळंबकर यांनी पत्र दिले होते. ‘लॉकडाऊन’मध्ये ( Lockdown2 ) प्रवास करण्यास बंदी आहे. अत्यंत तातडीचे काम असेल तरच पोलिसांकडून परवानगी दिली जाते. असे असतानाही केंद्र व राज्य सरकारचे नियम धाब्यावर बसवून कालिदास कोळंबकर यांनी एका महिलेला प्रवासाचे पत्र दिले.
या पत्राच्या आधारे संबंधित महिलेने प्रवास सुद्धा केल्याचा धक्कादायक प्रकार ‘लय भारी’ने चव्हाट्यावर आणला होता. ‘लय भारी’ने ही खळबळजनक बातमी प्रसिद्ध केल्यानंतर काँग्रेसचे प्रवक्ते डॉ. राजू वाघमारे यांनी एक ट्विट जारी केले आहे, तसेच त्यांनी कारवाईच्या मागणीचा संदेशही व्हायरल केला आहे.
‘भाजप आमदार कालिदास कोळंबकर यांनी बेकायदेशीर कृत्य केले आहे. सामान्य लोकांचे आयुष्य संकटात टाकणाऱ्यावर सरकार कारवाई करणार का ? वाधवान प्रकरणात चूक अधिकाऱ्यांची असताना देवेंद्र फडणवीस मंत्र्यांचा राजीनामा मागत होते. भाजप आमदार कायदा तोडून प्रवासाचे पत्र देतात. त्या पत्रावर प्रवास सुद्धा पूर्ण केला जातो. त्यामुळे विधानसभा अध्यक्ष नाना पटोले व भाजपने आमदार कोळंबकर यांच्यावर कारवाई करावी’ असे डॉ. वाघमारे यांनी म्हटले आहे.
‘होम कॉरन्टाईन’चा हातावर शिक्का असतानाही महिलेला प्रवासाचे पत्र
मुंबई ते संगमनेर असा प्रवास करण्यासाठी आमदार कालिदास कोळंबकर यांनी पत्र दिलेल्या महिलेच्या हातावर ‘होम कॉरन्टाईन’चा शिक्का होता. तरीही कोळंबकर यांनी सदर महिलेला प्रवासाचे पत्र कसे काय दिले असा सवाल आता उपस्थित झाला आहे.
कोळंबकर यांच्या पत्राच्या आधारे सदर महिला त्या दिवशी ( Lockdown2 ) संगमनेरमध्ये पोचली होती. तिथे ती शिक्षण घेते. त्यासाठी तिने भाड्याने घर घेतलेले आहे. ‘लॉकडाऊन’च्या संवेदनशील काळात अचानक मुंबईवरून संगमनेरमध्ये आलेल्या या महिलेला तिच्या घर मालकाने थांबू देण्यास विरोध केला. तरीही ती महिला आमदारांचे पत्र दाखवून हुज्जत घालू लागली. त्यानंतर तिथे आणखी काही लोक जमा झाले. महिलेच्या हातावर ‘होम कॉरन्टाईन’चा शिक्का असल्याचे सगळ्यांच्या लक्षात आले. त्यामुळे लोकांनी तहसिलदार कार्यालयाशी संपर्क साधला. तहसिलदार कार्यालयातून एक कर्मचारी तातडीने घटनास्थळी आले. या कर्मचाऱ्यासोबतही संबंधित महिलेने आमदारांचे पत्र दाखवून हुज्जत घातली. स्थानिकांनी सदर महिलेला तिथे राहण्यास तीव्र विरोध केल्यामुळे ती अखेर पुन्हा मुंबईला परतल्याचे सूत्रांनी सांगितले.
हे सुद्धा वाचा
Lockdown2 : भाजप आमदाराच्या पत्रावर मुंबई ते संगनमेर महिलेचा प्रवास
Covid-19: IPS officer who helped DHFL’s Wadhawans escape sent on leave
कडक पाणी म्हणजे कठीण पाणी. या पाण्यात कॅल्शियम आणि मॅग्नेशियम सारखी खनिजे खूप जास्त प्रमाणात…
व्यायाम, योग करणे आपल्या शरीरासाठी फार महत्वाचे आहे. व्यायामाशिवाय आपले शरीर निरोगी राहत नाही. शिवाय,…
आजच्या काळात लोकांना नोकरीमुळे आपल्या शरीराकाडे लक्ष्य देता येत नाही. त्यामुळे त्यांना अनेक प्रकारच्या समस्यांना…
जयकुमार गोरे यांनी स्वतःहूनच स्वत:ला जलनायक, पाणीदार आमदार हा किताब लावून घेतलेला आहे(What went wrong…
जयकुमार गोरे यांनी स्वतःहूनच स्वत:ला जलनायक, पाणीदार आमदार हा किताब लावून घेतलेला आहे(Man - A…
जयकुमार गोरे यांनी स्वतःहूनच स्वत:ला जलनायक, पाणीदार आमदार हा किताब लावून घेतलेला आहे(Jayakumar Gore has…