धक्कादायक! केईएम रुग्णालयातील शवागृह भरले! कॉरीडोरमध्ये ठेवलेत मृतदेह!

टीम लय भारी

मुंबई : केईएम रुग्णालयातील शवागृहात मृतदेह ठेवण्यास जागा नसल्याने बाहेरच्या कॉरीडोरमध्ये मृतदेह ठेवण्यात आल्याची धक्कादायक (Shocking) बाब उजेडात आली आहे.

राज्यात कोरोनाचे (Coronavirus) संकट दिवसागणिक वाढत आहे. मुंबईतील कोरोनाचा गुणाकार हा कमी झाला असला तरी रुग्ण संख्या वाढत असल्याने चिंता व्यक्त करण्यात येत आहे.

मुंबईतील केईएम रुग्णालयात मोठ्या प्रमाणात रुग्ण येत असतात. येथे कोरोना बाधित रुग्णांवर उपचार करण्यात येत आहे. येथे २७ मृतदेह ठेवण्याची शवागृहाची क्षमता संपल्याने १० मृतदेह कॉरीडोरमध्ये ठेवण्याची वेळ मुंबई पालिकेच्या रुग्णालय प्रशासनावर आली आहे.

केईएम रुग्णालयात सध्या एकूण ३७ मृतदेह आहेत. तसेच गेल्या दोन दिवसांत शवागृहातील सात कर्मचा-यांनाही कोरोनाची लागण झाली आहे. त्यामुळे अधिक चिंता व्यक्त करण्यात येत आहे. शवागृहात आता कर्मचा-यांची कमतरता जाणवू लागली आहे. त्यामुळे चिंतेत अधिक भर पडली आहे. शवागृहात जागा कमी, रुग्णालयात कर्मचारी कमी या कात्रीत प्रशासन सापडल्याचे दिसून येत आहे.