समान नागरी कायद्यावर काय म्हणाले शरद पवार ?

केंद्र सरकार आता समान नागरी कायदा आणण्याच्या तयारीत असल्याचे दिसत आहे. केंद्रीय विधी आयोगाने समान नागरी कायदा लागू करण्याबाबत नागरिकांकडून सुचना मागविल्या आहेत. त्यामुळे त्यामुळे केंद्र सरकार या कायद्याबाबत लवकरच ठोस भूमिका घेईल अशी शक्यता दिसत आहे, दरम्यान समान नागरी कायद्याबाबत राष्ट्रवादीचे अध्यक्ष शरद पवार यांनी प्रतिक्रीया दिली आहे.

वर्षभरात देशात लोकसभा निवडणुका होऊ घातल्या आहेत. त्यापार्श्वभूमीवर केंद्र सरकार हा कायदा आणण्याच्या तयारी असल्याची चर्चा आहे. या कायद्याबाबत बोलताना शरद पवार म्हणाले, समान नागरी कायद्याचा प्रस्ताव अजून तरी संसदीय समितीसमोर किंवा संसदेसमोर आलेला नाही. जेव्हा हा प्रस्ताव येईल त्यावेळी यावर चर्चा करता येईल. मात्र हा जो कायदा येणार आहे त्यात एखादा समाज, जात यांना टार्गेट करायचा प्रयत्न आहे का ? हे पहावे लागेल. जोपर्यंत आमच्या समोर कायद्याचा मसूदा येत नाही तोपर्यंत त्यावर बोलता येणार नसल्याचे देखील पवार म्हणाले.

हे सुद्धा वाचा

‘आदिपुरुष’चा फर्स्ट डे फर्स्ट शो हाऊसफुल्ल, चाहत्यांकडून ढोल-ताशांच्या गजरात चित्रपटाचे स्वागत

मुंबईकरांनो पाणी जपून वापरा, पालिकेने दिला पाणी कपातीचा इशारा

गुजरातला तडाखा दिल्यानंतर, बिपरजॉय चक्रीवादळाचे राजस्थानकडे कूच

देशात समान नागरी कायदा लागू करण्याचा सरकारचा प्रयत्न आहे, आगामी लोकसभा निवडणुकीच्या पार्श्वभूमीवर हा मुद्दा चर्चेत येण्याची त्यावरुन राजकारण होण्याची शक्यता देखील वर्तविण्यात येत आहे. अनेक विरोधीपक्षांचा समान नागरी कायद्याला विरोध आहे. त्यामुळे जर समान नागरी कायद्याचा मसूदा संसदेसमोर आला तर या कायद्याला विरोधकांचा कडाडून विरोध होण्याची शक्यता आहे.