Australia Cricket : ऑस्ट्रेलियाला कॅप्टन मिळेना! मार्शने कर्णधारपद नाकारल्याची माहिती उघड

अष्टपैलू मिचेल मार्श ऑस्ट्रेलियन संघाचा वनडे कर्णधार होण्यास उत्सुक नाही. त्याने स्वतःला या शर्यतीतून बाहेर घोषित केले आहे. आता ऑस्ट्रेलियाचा नवा एकदिवसीय कर्णधार डेव्हिड वॉर्नर हा सर्वात मोठा दावेदार आहे. कदाचित टी20 विश्वचषक 2022 नंतर क्रिकेट ऑस्ट्रेलिया आपल्या नवीन कर्णधाराची घोषणा करेल. मात्र सध्यातरी ऑस्ट्रेलियाचा संघ नवा कर्मधार शओधत ाहे. ज्यासाठी त्यांच्याकडे पर्यायांचा तुटवडा असल्याचे दिसून येत आहे.

एरॉन फिंच मर्यादित षटकांच्या क्रिकेटच्या (ODI आणि T20) दोन्ही फॉरमॅटमध्ये ऑस्ट्रेलियाचा कर्णधार होता. गेल्या महिन्यात त्याने एकदिवसीय क्रिकेटमधून निवृत्ती घेतली. अशा परिस्थितीत ऑस्ट्रेलियाकडे सध्या एकही वनडे कर्णधार नाही. मात्र, टी-20 आंतरराष्ट्रीय सामन्यांमध्ये फिंच ऑस्ट्रेलियाचे नेतृत्व करत राहील. तसे म्हटले जात आहे की आगामी विश्वचषकानंतर फिंच टी-20 क्रिकेटलाही अलविदा म्हणू शकतो. असे झाल्यास पांढऱ्या चेंडूच्या क्रिकेटच्या या दोन्ही फॉरमॅटसाठी ऑस्ट्रेलियाला नवे कर्णधार शोधावे लागतील.

हे सुद्धा वाचा

Amitabh Bachchan Birthday : ‘बीग बीं’च्या मनाचा मोठेपणा! चाहत्यांसोबत साजरा केला 80वा वाढदिवस

Eknath Shinde : बाळासाहेबांच्या शिवसेनेचे चिन्ह ठरलं!

INDvsSA ODI : शेवटच्या वनडे सामन्यात पावसाची शक्यता? वाचा काय सांगतोय हवामानाचा अंदाज

या विषयावर बोलत असताना मिचेल मार्श म्हणाला, ‘खरं सांगायचं तर मी या शर्यतीतून बाहेर पडलो आहे. सध्या तरी या विश्वचषकासाठी मला माझे शरीर तंदुरुस्त ठेवावे लागेल. ऑस्ट्रेलियाच्या वनडे कर्णधाराचा निर्णय क्रिकेट ऑस्ट्रेलियाला घ्यायचा असून तो या विश्वचषकानंतर निर्णय घेईल. याबद्दल मी कधीच काही विचार केला नाही.

डेव्हिड वॉर्नरचे नाव आघाडीवर आहे
अॅरॉन फिंचने वनडे क्रिकेटमधून निवृत्ती घेतल्यापासून ऑस्ट्रेलियन संघाचा पुढील वनडे कर्णधार कोण असेल याची चर्चा सुरू आहे. या शर्यतीत डेव्हिड वॉर्नर आघाडीवर असल्याचे सांगितले जात आहे. तथापि, 2018 मध्ये दक्षिण आफ्रिका दौऱ्यावर बॉल टॅम्परिंगच्या घटनेनंतर त्याच्यावर कर्णधारपदावरून आजीवन बंदी घालण्यात आली होती. पण वॉर्नरला दुसरी संधी नक्कीच मिळाली पाहिजे, असे ऑस्ट्रेलियाचे माजी क्रिकेटपटू सातत्याने सांगत आहेत. अॅरॉन फिंचनेही वॉर्नरचे नाव पुढे केले आहे.