सध्या लोकसभा निवडणुकांची धामधूम सुरु असल्याने सत्ताधाऱ्यांसह विरोधकांकडून जोरदार प्रचार चालू आहे. नाशिक जिल्ह्यातील दिंडोरी लोकसभा मतदारसंघात देखील महायुतीमधील घटक पक्षांकडून युतीच्या उमेदवार डॉ. भारती पवारांचा प्रचार सुरु आहे. मात्र, अशातच आता प्रचारावरून महायुतीमधील शिंदेंच्या शिवसेनेचे आमदार सुहास कांदे यांनी राष्ट्रवादी कॉंग्रेस अजित पवार गटाचे आमदार छगन भुजबळ(Bhujbal) यांच्यावर ते महायुतीच्या उमेदवार डॉ. भारती पवार यांचा प्रचार करत नसल्याचा आरोप करून त्यांच्या राजीनाम्याची मागणी केली आहे. त्यामुळे राजकीय वर्तुळात चर्चांना उधाण आले आहे.(Bhujbal promotes ‘Tutari’, resigns as minister; MLA Kande’s demand)
दिंडोरी लोकसभा निवडणुकीच्या पार्श्वभूमीवर शिंदेंच्या शिवसेनेचा मेळावा आमदार सुहास कांदे यांच्या निवासस्थानी पार पडला. यावेळी बोलतांना त्यांनी “भुजबळ महायुतीचा धर्म पाळत नसून दिंडोरी लोकसभेतील नांदगावमध्ये ते ‘तुतारी’ चिन्हाचा प्रचार करत असल्याचा आरोप केला. तसेच भुजबळांनी मंत्रीपद महायुतीकडून घ्यायचे आणि प्रचार व प्रसार मात्र महायुतीचा धर्म न पाळता तुतारीचा करायचा. तुम्हाला तुतारीचा एवढा जर पुळका असेल तर त्यांनी महायुतीकडून मिळालेल्या मंत्रीपदाचा राजीनामा द्यावा आणि खुशाल ‘तुतारी’चा प्रचार करावा”, असं कांदेंनी म्हटले.
पुढे बोलतांना कांदे म्हणाले की, “राष्ट्रवादी काँग्रेस पक्ष जाणून बुजून ‘तुतारी’चा प्रचार करत असून त्यांचे दाखवायचे दात वेगळे आणि खायचे दात वेगळे आहेत. राष्ट्रवादीचे नेते तुतारीचा प्रचार करत होते, त्यांचे फोटो आणि व्हिडीओ माझ्याकडे आहेत. छगन भुजबळ यांना महायुतीमधून मंत्रीपद मिळाले आहे आणि ते काम मात्र तुतारीचं करत आहेत. जर हे भाजपचेही नेते शांतपणे पाहत असतील तर हे दुर्दैव आहे”, अशी टीकाही सुहास कांदे यांनी केली.
दरम्यान, आमदार सुहास कांदे यांनी केलेल्या आरोपांवर बोलतांना मंत्री छगन भुजबळ म्हणाले की, “जर कुठल्या कार्यकर्त्याचे आमदारांसोबत पटत नसेल तर त्या कार्यकर्त्यांनी महायुतीचा प्रचार करावा. आपले फलक लावावे, पंरतु, प्रचार मात्र महायुतीच्या उमेदवार डॉ. भारती पवार यांचाच करावा,” असं त्यांनी म्हटले.
गाडी जोरात चालवू नको इथे लहान मुले खेळतात त्यामुळे अपघात होण्याची शक्यता आहे असे सांगितल्याचा…
राज्यात आज पाचव्या आणि शेवटच्या टप्प्यातील मतदान (votes) होत आहे. यामध्ये नाशिकमध्येही मतदान पार पडतंय.…
कोहळा (Ash Gourd ) खाणे आरोग्यासाठी खूप फायदेशीर असते. यामध्ये अनेक पोषकघटक असतात. आयुर्वेदानुसार कोहळा…
मंत्री छगन भुजबळ (Chhagan Bhujbal) यांनी केलेल्या गौप्यस्फोटावर आता काँग्रेसचे प्रदेशाध्यक्ष नाना पटोले ( Nana…
शांतिगिरी महाराजांनी (Shantigiri Maharaj) आज मतदानाच्या दिवशी मतदान करताना ईव्हीएम कक्षालाच हार घातल्याने खळबळ उडाली…
महाराष्ट्र राज्य माध्यमिक आणि उच्च माध्यमिक शिक्षण मंडळातर्फे फेब्रुवारी-मार्च 2024 मध्ये घेण्यात आलेल्या उच्च माध्यमिक…