‘शिवसेनेने पाठिंबा दिला तर काँग्रेस सत्ता स्थापनेचा विचार करेल’

लय भारी न्यूज नेटवर्क

मुंबई : भाजपने सरकार स्थापन केले तर ते बहुमताअभावी पडेल. त्यामुळे काँग्रेस व राष्ट्रवादी काँग्रेसला सत्ता स्थापनेचे निमंत्रण येऊ शकते. परंतु शिवसेनेने पाठिंबा देण्याची भूमिका घेतली तर आम्ही सरकार स्थापन करू शकतो, असे विधान काँग्रेसचे माजी मुंबई अध्यक्ष मिलिंद देवरा यांनी केले आहे.

भाजप व शिवसेनेमधील संबंध कमालीचे उसवले आहेत. त्यामुळे सर्वात जास्त आमदार असून सुद्धा शिवसेनेच्या मदतीशिवाय भाजप सरकार स्थापन करू शकणार नाही. अशातच राज्यपालांनी भाजपला सरकार स्थापनेसाठी निमंत्रित केले आहे. राज्यपालांचे हे निमंत्रण स्विकारून भाजपने सत्ता स्थापन केली तरी विधानसभेमध्ये भाजपला बहुमत सिद्ध करता येणार नाही. त्यामुळे भाजपचे अल्पमतातील सरकार लगेचच कोसळेल. दुसरा पर्याय म्हणून शिवसेना, काँग्रेस व राष्ट्रवादी या तिन्ही पक्षांचे सरकार स्थापन होऊ शकते असे आता बोलले जात आहे. किंबहूना या तिन्ही पक्षाच्या नेत्यांनी त्या दृष्टीने हालचाली सुरू केल्या आहेत.

हे सुद्धा वाचा

‘भाजपचे सरकार शिवसेनेने पाडल्यास राष्ट्रवादी काँग्रेस पर्यायी सरकार देणार’

VIDEO : शिवसेनेला अडचणीत आणण्यासाठी भाजपकडून बाळासाहेब ठाकरेंच्या भाषणाचा व्हिडीओ व्हायरल

राज्यपालांनी भाजपच्या बहुमताची खात्री करावी, राष्ट्रवादी काँग्रेसची प्रतिक्रिया

शिवसेनेला काँग्रेस व राष्ट्रवादी काँग्रेस पाठिंबा देईल असा अंदाज वर्तविण्यात येत होता. पण देवरा यांनी आता शिवसेनेनेच आम्हाला पाठिंबा द्यावा अशा आशयाचे विधान केले आहे. शिवसेनेने पाठिंबा दिला तर आम्ही सरकार स्थापन करू शकतो असे देवरा यांनी म्हटले आहे.