Congress campaign : पंतप्रधान मोदी उत्तर द्या; काँग्रेसची मोहीम

टीम लय भारी

नवी दिल्ली : देशात सध्या कोरोना व्हायरसने थैमान घातले असून लॉकडाउनमुळे सर्वांचे जनजीवन विस्कळीत झाले आहे. त्यामुळे काँग्रेसने ‘पंतप्रधान नरेंद्र मोदी उत्तर द्या’ (PM Modi needs to answer) अशी मोहीम (Congress campaign) सुरू केली आहे. त्यांनी ट्विटरवर ही मोहीम सुरू केली असून त्यात अनेक प्रश्न विचारण्यात येत आहेत.

तसेच काँग्रेसने #ModiBetrayedIndia हा हॅशटॅग सुरू केला आहे. तसेच या अंतर्गत पंतप्रधान नरेंद्र मोदी यांना अनेक प्रश्न विचारण्यात आले असून त्यांच्याकडून त्या प्रश्नांवर स्पष्टीकरणही मागण्यात आले आहे.

कोरोना व्हायरसने थैमान घातलेले असतानाच लॉकडाउनमुळे अनेक उद्योगधंद्यांवरही परिणाम झाला आहे. त्यातच अर्थव्यवस्थेची चक्रही रूतल्याचे दिसून आले आहे. अशा विविध प्रश्नांवरून काँग्रेसने ‘पंतप्रधान नरेंद्र मोदी उत्तर द्या’ अशी मोहीम सुरू केली आहे. त्यांनी ट्विटरवर ही मोहीम सुरू केली असून त्यात अनेक प्रश्न विचारण्यात येत आहेत.

नेमके कोणत्या वेळी भारतात केसेस वाढण्याची शक्यता आहे? जर काही गंभीर परिस्थिती आहे तर पंतप्रधानांनी त्याबाबत स्पष्ट केले पाहिजे, असे काँग्रेसने म्हटले आहे.

याव्यतिरिक्त जर कोरोनाच्या केसेस वाढल्या तर सांभाळण्याची आपल्या अर्थव्यवस्थेकडे क्षमता आहे का?, कोरोनाचा प्रसार रोखण्यासाठी कोणती रणनीती आखली आहे?, भाजपा सरकारला अधिक चाचण्या करण्याचे महत्त्व केव्हा समजणार? असे अनेक प्रश्न यावेळी करण्यात आले. काँग्रेसने ट्विटवरून पंतप्रधानांवर प्रश्नांचा भडीमार सुरु केला आहे.