कन्नमवारनगर समस्यांच्या जंजाळात, नागरिकांची लोकसभा उमेदवारांकडे याचना

ईशान्य मुंबई लोकसभा मतदारसंघात शिवसेनेकडून संजय दीना पाटील, तर भाजपकडून मिहीर कोटेचा हे दोन उमेदवार निवडणुकीच्या रिंगणात आहे(Sanjay Dina Patil from Shiv Sena VS Mihir Kotecha from BJP in North East Mumbai Lok Sabha Constituency). मतदारसंघातील समस्या, मूलभूत प्रश्न जाणून घेण्यासाठी ‘लय भारी’ची टीम मतदारसंघातील कन्नमवार नगर, विक्रोळी या ठिकाणी पोहचली. धर्मवीर संभाजी महाराज उद्यानात गेल्यानंतर या ठिकाणी विविध सामाजिक कार्यकर्त्यांशी चर्चा केली. कन्नमवार नगरमधील सामाजिक कार्यकर्त्यांनी समस्या मांडणारे एक निवेदन उमेदवार संजय दिना पाटील व मिहिर कोटेचा या दोन्ही उमेदवारांना दिले आहे. दोन्ही उमेदवारांनी केवळ तोंडी आश्वासने दिली आहेत. डंपिंग ग्राऊंड, गटारे, मैदाने अशा १६ प्रकारच्या तीव्र समस्या कन्नमवारनगरला भेडसावत आहेत. या समस्यांचे निराकरण करणे लोकप्रतिनिधींची जबाबदारी आहे. पण लोकप्रतिनिधींना निवडणुका जवळ आल्या की, त्यांना जनतेची आठवण होते. एरवी ते जनतेकडे ढुंकूनही बघत नाहीत, अशी नाराजी येथील स्थानिकांनी व्यक्त केली आहे.