Tokyo Paralympics : वयाच्या 18 व्या वर्षी रचला इतिहास, प्रवीण कुमारला उंच उडीत रौप्य पदक

टीम लय भारी

टोकियो : टोकियो पॅरालिम्पिक २०२० मध्ये भारताने चांगली कामगिरी केली आहे. शुक्रवारी भारताला आणखी एक रौप्य पदक मिळाले. नोएडाचा प्रवीण कुमार याने पुरुषांच्या उंच उडी स्पर्धेत रौप्य पदक पटकावले. प्रवीण कुमारने एकूण २.०७ मीटर उडी मारली आणि दुसरा क्रमांक पटकवला आहे (Praveen Kumar wins silver in high jump).

प्रवीण कुमारने पुरुषांच्या उंच उडी टी ६४ स्पर्धेत २.०७ मीटरची नोंद केली. हा आशियाई विक्रम ठरला आहे. ब्रिटनच्या जोनाथन ब्रूम-एडवर्ड्सने २.१० मीटरसह सुवर्ण, तर पोलंडच्या मॅसिज लेपियाटोने २.०४ मीटरसह उंच उडी मारत कांस्य पदक जिंकले.

Tokyo Paralympics : भारताचा थाळीफेकपटू विनोद कुमारला परत करावे लागणार कांस्य पदक

Tokyo Paralympics : राजस्थानच्या मुख्यमंत्र्यांकडून सुवर्णपदकाची कमाई करणाऱ्या अवनी लेखराला बक्षीस

पॅरालिम्पिकमध्ये भारताच्या एकूण पदकांची संख्या आता ११ झाली आहे. भारताच्या खात्यात दोन सुवर्ण, सहा रौप्य आणि तीन कांस्य पदके झाली आहेत. पॅरालिम्पिकच्या एका वर्षातील ही भारताची सर्वोत्तम संख्या आहे. भारताने रिओ २०१६ आणि १९८४ च्या पॅरालिम्पिकमध्ये प्रत्येकी चार पदके जिंकली होती (India had won four medals each at the Rio 2016 and 1984 Paralympics).

प्रवीण कुमार याचे वय फक्त १८ वर्षे आहे, त्याचा जन्म १५ मे २००३ रोजी झाला. प्रवीण हा उत्तर प्रदेशातील नोएडाचा रहिवासी आहे. प्रवीण कुमारने आंतरराष्ट्रीय खेळांमध्ये २०१९ मध्येच पदार्पण केले आणि आता दोन वर्षांच्या आत त्याच्या नावावर ऑलिम्पिक रौप्य पदक आहे.

Tokyo Paralympics : अवनी लेखराने भारतात इतिहास रचला, नेमबाजीत सुवर्णपदक जिंकले

Tokyo Paralympics: Silver Medallist Praveen Kumar Expresses Gratitude To His Coach

ऑलिम्पिकमध्ये रौप्य पदक जिंकण्याआधी, प्रवीण कुमारने २०१९ मध्ये जागतिक अजिंक्यपद स्पर्धाही जिंकली होती. त्यानंतर प्रवीण कुमार चौथ्या क्रमांकावर होता, जरी तो पदक जिंकण्यात चुकला.

प्रवीणकुमारचा एक पाय साधारणपणे लहान आहे, पण त्याने त्या पायला त्याची ताकद बनवली आणि आज इतिहास घडवला. सुरुवातीला तो व्हॉलीबॉल खेळला, पण नंतर उंच उडीकडे वळला. प्रवीण कुमार यांनी दिल्लीच्या जवाहरलाल नेहरू स्टेडियममध्ये प्रशिक्षक सत्यपाल सिंह यांच्या नेतृत्वाखाली सतत प्रशिक्षण घेतले होते.