रामदास आठवले, प्रकाश आंबेडकर, छगन भुजबळ, महादेव जानकर, गोपीचंद पडळकर हे RSS चे एजंट

लोकसभा निवडणुकीचा महाराष्ट्रातील शेवटचा, म्हणजेच पाचवा टप्पा उरलेला आहे. या टप्प्यात मुंबई, ठाणे व उत्तर महाराष्ट्रातील लोकसभा मतदारसंघात मतदान होत आहे(Ramdas Athawale, Prakash Ambedkar, Chhagan Bhujbal, Mahadev Jankar, Gopichand Padalkar are agents of RSS). या पार्श्वभूमीवर ‘लय भारी’चे संपादक तुषार खरात यांनी रिपब्लीकन पक्षाचे (सेक्यूलर) अध्यक्ष शाम दादा गायकवाड यांची मुलाखत घेतली. बहुजन चळवळीतील नामवंत मान्यवरांनी एकत्रित येवून प्रागतिक रिपब्लीकन आघाडीची स्थापना केलेली आहे. या आघाडीमध्ये विचारवंत, माजी सनदी अधिकारी, साहित्यिक अशा मातब्बर मंडळींचा समावेश आहे. या आघाडीने ‘महाविकास आघाडी’ला पाठींबा द्यायचा निर्णय घेतलेला आहे. सध्याच्या परिस्थितीत नरेंद्र मोदी हे सरळसरळ संविधानाचे उल्लंघन करीत आहे. ते खोटं बोलतात. हिंदूत्वाच्या नावाखाली अंधश्रद्धा पसरविण्याचे काम चालू आहे.

सगळ्या समाजासाठी हे अत्यंत घातक आहे. त्यामुळे नरेंद्र मोदी आणि त्यांच्या भाजपला सत्तेतून बाहेर ठेवण्याची गरज आहे. दुर्दैवाने, प्रकाश आंबेडकर, रामदास आठवले, छगन भुजबळ, महादेव जानकर, गोपीचंद पडळकर अशी मंडळी आरएसएसची एजंट बनलेली आहेत. फुले, शाहू, आंबेडकर यांचे नाव घेण्याचा या मंडळींना कसलाही अधिकार नाही. त्यांची कथनी आणि करणी यांत मोठा फरक आहे, अशा आशयाची नाराजी शामदादा गायकवाड यांनी यावेळी व्यक्त केली. अठरा पगड जाती, कामगार, दलित, शोषित, महिला या सगळ्या घटकांनी सध्या नरेंद्र मोदी(Narendra Modi) यांच्या विरोधातील मते एकगठ्ठापणे महाविकास आघाडीला द्यायला हवीत. त्यातच देशाचं, महाराष्ट्राच व समाजाचं हित सामावलेलं आहे, अशी भावनाही शाम दादा गायकवाड यांनी यावेळी व्यक्त केली.