नागराज मंजुळेचा ‘झुंड’ चित्रपट लवकरच प्रेक्षकांच्या भेटीला

येत्या ४ मार्चला हा चित्रपट प्रेक्षकांच्या भेटीस येत आहे

टीम लय भारी

मराठी इंडस्ट्रीतील प्रसिद्ध दिग्दर्शक आणि अभिनेते नागराज मंजुळे यांच्या चित्रपटांची प्रेक्षक कायम आतुरतेने वाट पाहत असतात. असाच नागराज मंजुळे यांचा आगमी चित्रपट ‘झुंड’ कधी पाहायला मिळणार? असे प्रेक्षकांकडून सतत प्रश्न विचारले जात होते. तर आता सर्वांची प्रतीक्षा संपली आहे. कारण ‘झुंड’ चित्रपटाच्या प्रदर्शनाची तारीख आता समोर आली आहे. येत्या ४ मार्चला हा चित्रपट प्रेक्षकांच्या भेटीस येत आहे(Nagraj Manjule’s film ‘Jhund’ will be released soon).

नागराज मंजुळे यांनी त्याच्या इन्स्टाग्राम अकाऊंटवर ‘झुंड’चे पोस्टर शेअर करीत प्रदर्शनाची तारीख जाहिर केली आहे. या सिनेमात अभिनेते अमिताभ बच्चन मुख्य भुमिकेत दिसणार आहेत. अमिताभ बच्चन यांनी देखील त्यांच्या इन्स्टाग्रामवर चित्रपटाचे पोस्टर शेअर करत ‘लढायला तयार राहा, आमची टीम येत आहे’ असे कॅप्शन दिले आहे.

सिनेमात अभिनेते अमिताभ बच्चन मुख्य भुमिकेत दिसणार आहेत

दरम्यान, हा सिनेमा विजय बारसे या फुटबॉल प्रशिक्षकाच्या जीवनावर आधारित आहे. या सिनेमात अमिताभ बच्चन हे विजय बारसे या क्रीडा प्रशिक्षकाची भूमिका साकारत आहेत. विजय बारसे यांनी गरीब वस्तीत राहणाऱ्या मुलांची फुटबॉल टीम बनवली होती. याच कथेवर आधारित हा सिनेमा आहे. हा एक स्पोर्ट ड्रामा आहे.