पोलिस आयुक्त संदीप कर्णिक यांच्या संकल्पनेतून सुरु करण्यात आलेल्या “मॉर्निंग वॉक विथ पोलिस” उपक्रमाच्या पहिल्याच दिवशी शनिवारी (ता. २४) सातपूर इएसआय जॉगिंग ट्रॅकवर सातपूरकरांनी पोलिसांसमोर डझनभर समस्यांचा पाढा वाचला. दरम्यान, आठवड्याभरात समस्यांचे निराकरण करण्याचे आश्वासन सातपूर पोलीस ठाण्याचे वरिष्ठ पोलीस निरीक्षक सोहम माछरे यांनी दिले.पोलिस आयुक्त संदीप कर्णिक यांच्या संकल्पनेतून शनिवारपासून (ता. २४) शहरातील सर्वच जॉगिंग ट्रॅकवर “मॉर्निंग वॉक विथ पोलिस” उपक्रमास सुरुवात करण्यात आलीआहे. त्याच पार्श्वभूमीवर सातपूर पोलिस ठाण्याचे वरिष्ठ पोलीस निरीक्षक सोहम माछरे यांनी शनिवारी सकाळी ७ वाजेच्या सुमारास इएसआय जॉगिंग ट्रॅकवर नागरिकांसोबत वॉक करत संवाद साधला.
यावेळी संध्याकाळच्या सुमारास जॉगिंग ट्रॅकवर टवाळखोर दारू पिण्यास बसतात, परिसरातील महिलांमध्ये असुरक्षिततेची भावना, झाडांना व ट्रॅकवर पाणी मारले जात नाही, केअरटेकरचा निष्काजीपणा, औद्योगिक वसाहतीत रस्ताच्या कडेला बेशिस्त पार्किंग, विभागातील विविध शाळेभोवती टवाळखोरांचा उच्छाद, बुलेट सायलन्सरचा कर्णकर्कश आवाज, (दामिनी) महिला पथकांची संख्या वाढवणे आदि समस्या मांडण्यात आल्या.
दरम्यान, श्रमिकनगर परिसरातून गुंडांची धिंड काढत केलेल्या कारवाईचे नागरिकांनी स्वागत केले असून यापुढेही अशाच प्रकारे टवाळखोर व गुंडांची धिंड काढण्याच्या सूचना नागरिकांनी केल्या. यावेळी दिलीप कटारे, नाना वाघ, गोकुळ भदाणे, काळू काळे, बजरंग शिंदे, दिलीप कटारे, अरुण काळे, दिगंबर निगळ, ज्ञानेश्वर नहीरे, शशी दातीर, सुधाकर शिशोदे, शंकर देवघरे आदीसह जॉगर्स उपस्थित होते.
महाराष्ट्र विधान परिषदेचे सदस्य सत्यजित तांबे यांनी देशातील अग्रगण्य विद्यापीठ असलेल्या जवाहरलाल नेहरू विद्यापीठात मराठी…
7 सप्टेंबर 2024 हा दिवस भारत देशात खूप महत्वाचा मानला जाणारा आहे. याच दिवशी आपले…
पावसाळा सुरु झाला असून, गर्मीमुळे काही सुटका झाली नाही. आता सुद्धा खूप जास्त गर्मी होत…
भाजपने पंकजा मुंडे यांच्याकडे पुण्यातील काही मतदारसंघांची जबाबदारी दिली आहे(BJP workers publicly expressed their displeasure).…
भाजपने पंकजा मुंडे यांच्याकडे पुण्यातील काही मतदारसंघांची जबाबदारी दिली आहे(Anger of BJP workers in front…
शरद पवार(sharad pawar) आज सातारा जिल्ह्यातील दौऱ्यावर आहेत. विधानसभा निवडणुकीच्या पार्श्वभूमीवर सगळे राजकीय पक्ष व…