शरद पवार मराठा आंदोलकांना भेटणार!

जालना जिल्ह्यातील अंतरवली गावात काल पोलिसांनी मराठा आंदोलकांवर अमानुष अत्याचार केला. त्यानंतर या घटनेचे तीव्र पडसाद मराहाष्ट्रात उमटत असून अनेक ठिकाणी जाळपोळीच्या घटना घडल्या आहेत. शिंदे-फडवणवीस-पवार सरकार आंदोलकांशी संवाद ठेवण्यास सपशेल अपयशी ठरल्याची टीका विरोधकांनी केली आहे. राष्ट्रवादीचे सर्वेसर्वा शरद पवार यांनी देखील सरकारवर टिका केली असून ते आता मराठा आंदोलकांची भेट घेणार आहेत.

शरद पवार बीड, जालना जिल्ह्याच्या दौऱ्यावर जाणार असून ते आंदोलकांना भेटून संवाद साधणार आहेत. आज पवार जालन्यात जाणार असून तेथे रुग्णालयात जखमींची विचारपूस देखील करणार आहेत. आंदोलनकर्त्यांवर पोलिसांनी लाठीचार्ज केल्यानंतर मराठा समाज आक्रमक झाला असून अनेक ठिकानी वाहनांची जाळपोळ केल्याच्या घटना देखील समोर आल्या आहेत. मराठा समाजाने गृहमंत्री देवेंद्र फडणवीस यांच्या पुतळ्याचे दहन केल्याच्या देखील घटना समोर आल्या. मराठा समाज अत्यंत संतप्त झाला असून राज्य सरकारचा निषेध व्यक्त करण्यासाठी राज्यभरात आंदोलन करण्यास सुरुवात केली आहे.
हे सुद्धा वाचा 
पोलिसांचा मुर्खपणा, शिंदे – फडणवीस यांना डोकेदुखी!   
उद्धव ठाकरे जालना दौऱ्यावर, जखमी मराठा आंदोकांची भेट घेणार!
मराठा आरक्षणासाठी आंदोलन करणाऱ्यांवर पोलिसांचा लाठीचार्ज

मराठा समाजाच्या आंदोलकांवर काल पोलिसांनी लाठीचार्ज केल्यानंतर शरद पवार यांनी ट्विट करुन निषेध व्यक्त केला होता. पवार म्हणाले, महाराष्ट्रात सध्या फक्त आणि फक्त हुकूमशाही चालू आहे. राज्य सरकार आणि गृह खात्यावर राज्यात शांतता प्रस्थापित करण्याचे काम असते, परंतु गृहमंत्रालयातील प्रशासकांनी पोलिस बळाचा वापर करून मराठा आंदोलकांवर तीव्र लाठीचार्ज केलेला आहे. हि अतिशय संतापजनक बाब आहे . जालन्यात झालेल्या ह्या अमानवीय घटनेला राज्याचे गृहमंत्रालय जबाबदार असून मी या घटनेचा जाहीर निषेध व्यक्त करतो.