असा अधिकारी होणे नाही ! IAS सुनील केंद्रेकर यांनी स्वेच्छानिवृत्तीनंतर पायी चालत कार्यालय सोडले; अधिकाऱ्यांचा दाटला कंठ

छत्रपती संभाजी नगरचे विभागीय आयुक्त सुनील केंद्रेकर यांनी स्वेच्छानिवृत्तीसाठी घोषणा केल्यानंतर सोमवारी पदभार सोडला. जिल्हाधिकारी अस्तिक कुमार पांडे यांच्याकडे केंद्रेकर यांनी पदभार सोपवला. त्यानंतर कुठल्याही सरकारी गाडीचा वापर न करता साधेपणाने त्यांनी आपल्या पत्नीसह पायी गेले. यावेळी त्यांच्यासोबत तीन आयपीएस अधिकारी आणि पोलिस अधीक्षक यांची उपस्थिती होती. गतिमान अधिकारी म्हणून ओळखले जाणारे केंद्रेकर यांनी स्वेच्छानिवृत्ती योजना निवडली तेव्हा त्यांच्या प्रशासकीय सेवेची अडीच वर्षे शिल्लक होती. 31 मे 2025 रोजी सुनील केंद्रेकर निवृत्त होणार होते.

सुनील केंद्रेकर यांनी सोमवारी कार्यालयात येऊन त्यांचे काम पूर्ण केले. जिल्हाधिकारी पांडे यांच्याकडे विभागीय आयुक्तपदाचा पदभार सुपुर्द केला. यावेळी सर्व अधिकाऱ्यांनी केंद्रकरांना गाडीतून जाण्याची विनंती केली. मात्र, केंद्रेकरानी मी आता पायीच घरी जाणार असे सांगितले. त्यानंतर केंद्रेकर आणि त्यांचे पत्नीसह ते घरी जायला पायीच निघाले. त्यानंतर विभागीय आयुक्तालयातील सर्व टीम त्यांच्या समवेत निघाली. यावेळी जिल्हाधिकारी अस्तिककुमार पांडेय त्यानंतर महसूल उपायुक्त पराग सोमण, अप्पर आयुक्त अविनाश पाठक, पोलिस अधीक्षक मनिष कलवानिया, रोहयो उपायुक्त समीक्षा चंद्रकार, उपायुक्त जगदीश मिनियार, उपायुक्त सुरेश बेदमुथा, निवासी उप जिल्हाधिकारी जनार्दन विधाते यांच्यासह विविध अधिकारी सहभागी झाले होते.

सुनील केंद्रेकर यांनी स्वेच्छानिवृत्ती घेण्याच्या अनपेक्षित निर्णयामुळे त्यांच्या जाण्यामागील कारणांबाबत अनेक तर्कवितर्कांना उधाण आले आहे. वरिष्ठ अधिकार्‍यांमध्ये एक खळबळ सुरू आहे की, नुकत्याच झालेल्या पाहणीदरम्यान त्यांनी शेतकरी कुटुंबांना 10000 रुपयांची आर्थिक मदत देण्याची सरकारला केलेली शिफारस ही बातमी माध्यमांपर्यंत पोहोचल्यानंतर वरिष्ठ अधिकार्‍यांमध्ये नाराजी पसरली असावी. मात्र, केंद्रेकर यांनी त्यांच्या निवृत्तीचा आणि या घटनेचा संबंध असल्याचा नकार दिला. आणखी एक खळबळ केंद्रेकरांच्या राजकीय क्षेत्रात प्रवेशाच्या संभाव्य भोवती फिरत आहे, परंतु त्यांनी ही शक्यता फेटाळून लावली आहे.

हे सुध्दा वाचा:

अजित पवारांनी नव्या मंत्रिमंडळात किती कोटींच्या भ्रष्टाचाराचे टार्गेट ठेवले आहे स्पष्ट करावे; वंचितचा हल्लाबोल

राहुलची कर्तबगारी चीनी दाम्पत्याला आवडली, संगमनेरमध्ये मुलीचे केले कन्यादान

गद्दारी करणाऱ्यांना फोटो वापरण्याचा अधिकार नाही, शरद पवारांचे अजित पवारांना खडेबोल

फेब्रुवारी 2019 मध्ये आयुक्त म्हणून रुजू झाले. त्यांच्या नेतृत्वाखाली शहराची पाणीपुरवठा योजना पूर्ण करता यावी म्हणून न्यायालयाने त्यांच्या बदलीला 30 जून 2023 पर्यंत स्थगिती दिली होती. शेतकऱ्यांच्या सेवेत तत्पर उभे राहणारे एकमेव अधिकारी आहेत. मराठवाड्यात शेतकऱ्यांचा सर्वे तसेच शिक्षकांच्या परीक्षा घेण्याची देखील त्यांनी निश्चित केले होते छत्रपती संभाजी नगरच्या पाण्यासाठी 193 कोटी रुपयांची जुन्या पाणीपुरवठा योजनेचा प्रस्ताव त्यांनीच मुख्यमंत्र्यांना सुचवून मंजूर करून आणला होता. तसेच पाणीपुरवठ्याच्या समितीचे ते प्रमुख होते.