INDvsSA T20I : केरळमध्ये पोहोचताच भारतीय संघाला झाली संजू सॅमसनची आठवण! सूर्यकुमार अन् अश्विनने केले खास कृत्य

यष्टिरक्षक-फलंदाज संजू सॅमसन दक्षिण आफ्रिका टी20 आंतरराष्ट्रीय मालिकेसाठी भारतीय संघाचा भाग नाही. अशा परिस्थितीत भारतीय संघातील इतर सदस्य सोमवारी या मालिकेसाठी तिरुअनंतपुरमला पोहोचले तेव्हा त्यांनाही संजू सॅमसनची आठवण झाली. केरळचा क्रिकेटर संजू सॅमसनला टी20 विश्वचषक, ऑस्ट्रेलिया आणि दक्षिण आफ्रिकेविरुद्धच्या मालिकेत सामील न केल्याने क्रिकेट चाहत्यांच्या एका वर्गाने सोशल मीडियावर नाराजी व्यक्त केली होती. मात्र सोमवारी सकाळी जेव्हा टीम येथे आली तेव्हा त्रिवेंद्रम विमानतळावरील दृश्य पूर्णपणे वेगळे होते. ‘मेन इन ब्लू’चे मोठ्या जल्लोषात स्वागत करण्यासाठी लोक मोठ्या संख्येने जमले होते. ते त्यांच्या सुपरस्टार्सची एक झलक पाहण्यासाठी टीम बसभोवती जमले.

दरम्यान, विंडो सीटवर बसलेला सूर्यकुमार यादव मोबाईलवर संजूचा फोटो दाखवत बसभोवती जमलेल्या चाहत्यांकडे बोट दाखवत होता. संजू सॅमसनच्या नेतृत्वाखालील आयपीएल फ्रँचायझी राजस्थान रॉयल्सने हा व्हिडिओ सोशल मीडियावर शेअर केला आहे. फक्त सूर्यकुमार यादवच नाही, तर अश्विन आणि युझवेंद्र चहल यांनी देखील त्यांच्या आयपीएल कर्णधार संजूला त्यांच्या इंस्टाग्राम स्टोरीवर टॅग केले आणि त्रिवेंद्रमच्या गर्दीचा फोटो शेअर केला. संघाला शुभेच्छा देण्यासाठी चाहते मोठ्या संख्येने पोहोचले होते आणि संजू सॅमसनच्या नावाने घोषणा देत होते.

हे सुद्धा वाचा

Eknath Shinde : शिंदेगटातील शिवसेनापक्षप्रमुख ‘एकनाथ शिंदे’च!

Amrita Fadnavis : अमृता फडणवीस यांनी दिले ‘झाडू’ला प्रोत्साहन

INDvsSA T20I : भारत दौऱ्यावर येण्यापूर्वी आफ्रिका संघाने घेतला खास व्यक्तीचा आशिर्वाद

दक्षिण आफ्रिकेचे खेळाडूही सोमवारी सकाळी शहरात दाखल झाले आणि बुधवारी ग्रीनफिल्ड स्टेडियमवर पहिल्या सामन्यासाठी सराव सुरू केला. यजमानांना मंगळवारपासून नेटमध्ये घाम फुटणार आहे. सामनापूर्व संवादाचा भाग म्हणून संघाचे कर्णधार (रोहित शर्मा आणि टेंबा बवुमा) 27 सप्टेंबर रोजी मीडियाला भेटतील. केरळ क्रिकेट असोसिएशनने (KCA) सांगितले की, या सामन्यासाठी फक्त 2,000 तिकिटे शिल्लक आहेत. स्टेडियमची क्षमता 55,000 आसनांची आहे.

केरळ क्रिकेट असोसिएशनचे सहसचिव राजित राजेंद्रन आणि तिरुअनंतपुरम जिल्हा क्रिकेट संघटनेचे अध्यक्ष राजीव यांनी भारतीय संघाचे विमानतळावर स्वागत केले. केसीएने एका प्रसिद्धीपत्रकात म्हटले आहे की, “27 सप्टेंबर रोजी सरावासाठी मैदानावर पोहोचेल. सायंकाळी ५ ते ८ या वेळेत ते सराव करतील. दक्षिण आफ्रिकेचा संघ दुपारी 1.00 ते 4.00 वाजेपर्यंत मैदानावर सराव करेल.