सत्तेच्या राजकारणात ईडीने मालिकांना गाठले, अमोल कोल्हेंनी कवितेतून नवाब मलिकांना दिला पाठिंबा

अमोल कोल्हेंनी देखील त्यांना कवितेच्या माध्यमातून मलिकांना पाठिंबा दिला आहे

टीम लय भारी

पुणे : राज्याचे अल्पसंख्याक मंत्री आणि राष्ट्रवादी काँग्रेसचे प्रवक्ते नवाब मलिक यांच्या घरावर आज सकाळी साडे सहा वाजता ईडीकडून धाड पडली. त्यांची देखील सुमारे तासभर चौकशी करण्यात आली होती. त्यानंतर अधिकारी नवाब मलिक यांना सकाळी साडेसातच्या सुमारास ईडी कार्यालयात नेण्यात आले. सकाळी साडेआठ वाजल्यापासून ईडी कार्यालयात मलिकांची चौकशी सुरू आहे. या चौकशीवर राष्ट्रवादी काँग्रेसच्या नेत्यांकडून संतापजनक प्रतिक्रिया समोर येत आहेत. खासदार अमोल कोल्हेंनी देखील त्यांना कवितेच्या माध्यमातून पाठिंबा दिला आहे(Amol Kolhe gave support to Nawab Malik through poetry).

भाजपा सत्तेसाठी ईडीचा वापर करत असून कोणतेच कारण नसताना मंत्र्यांच्या घरावर धाडी मारत आहेत राज्यात महाविकास आघाडीची सत्ता भाजपाला बघवत नाही आहे, त्यासाठीचे हे उपद्याप सुरू आहे. असं कोल्हे म्हणाले. शिवाय तपासयंत्रणा या भाजपाच्या झाल्या असून तुमच्या नेत्यांच्या कोणत्याच भानगडी नाहीत का?, असा सवाल त्यांनी उपस्थित केला आहे. तसेच तुम्हीही कितीही प्रयत्न केलेत तरी राष्ट्रवादीचा रांगडा गडी तुम्हाला पुरून उरेल, असं अमोल कोल्हेंनी ठणकावून सांगितले आहे.

अंडरवर्ल्डशी कथित संबंध असलेल्या मालमत्तेप्रकरणी ईडीने नवाब मलिक यांना समन्स बजावले होते. आता या प्रकरणी नवाब मलिकची चौकशी केली जात आहे. त्या प्रकरणी ही चौकशी होत आहे. मात्र राष्ट्रवादी नेत्यांनी नवाब मलिक यांना पाठिंबा देत आपापली मते मांडली आहेत.