हक्कभंगाच्या कारवाईला मी घाबरत नाही, संजय राऊत

विधिमंडळाबाबत वादग्रस्त विधान केल्याप्रकरणी संजय राऊत यांच्यावर हक्कभंग दाखल करण्याची मागणी भाजपने केली आहे. यासंदर्भात भाजपचे आमदार अतुल भातखळकर यांनी विधानसभा अध्यक्षांना पत्र दिलं आहे. हे विधिमंडळ नाही, तर चोरांचे मंडळ आहे असे वादग्रस्त विधान संजय राऊत यांनी केले आहे. त्यावरून भाजपच्या नेत्यांनी राऊतांवर परखड भाषेत टीकास्त्र सोडले आहे. मात्र, भाजपच्या कारवारला आपण भीत नसल्याचे संजय राऊत यांनी सूचित केले आहे. ते म्हणाले, माझ्या विरोधात जर हक्कभंग आणण्यात आला, तर त्यावर चर्चा होईल, मी माझी म्हणणं तिथे मांडेन. मी तुरुंग गेलेला माणूस आहे, त्यामुळे हक्कभंगाच्या कारवाईला मी घाबरत नाही. (sanjay-raut-slams-rulling-party)

संजय राऊत यांनी केलेल्या विधानावर विरोधकांनी सडकून टीका केली. आज पत्रकारांशी बोलताना राऊत यांनी विधिमंडळाचा उल्लेख ‘चोरमंडळ’ असा केला होता. यानंतर शिंदे-फडणवीस गटाने आक्रमक भूमिका घेत राऊतांविरोधात हक्कभंगाची कारवाई करण्याची मागणी केली होती. दरम्यान, या विधानाबाबत संजय राऊत यांनी आपली भूमिका स्पष्ट केली आहे. कोल्हापूरमध्ये पत्रकारांशी संवाद साधताना त्यांनी यासंदर्भात आक्रमक प्रतिक्रिया दिली. तसेच विरोधकांच्या हक्कभंगाच्या कारवाईच्या मागणीबाबतही त्यांनी आपली भूमिका मांडली.

विधिमंडळाबाहेर त्यांचा उल्लेख चोर, दरोडेखोर केला जातो
संजय राऊत यांनी आपल्या विधानाबाबत स्पष्टीकरण देताना म्हंटले आहे की, “मी काय म्हणालो होतो, हे आधी समजून घेतलं पाहिजे. विरोधकांना देशद्रोही म्हटलं जातं. ज्या पद्धतीने शिवसेना आणि धनुष्यबाणाची चोरी करून काही आमदार विधिमंडळामध्ये गेले. त्यांनी सरकार स्थापन केलं आणि आमच्यावर ते आता हल्ले करत आहेत. विधिमंडळाबाहेर त्यांचा उल्लेख चोर, दरोडेखोर केला जातो. ही लोकभावना आहे. त्यांना उद्देशून मी ते विधान केलं होते. खरं तर माझ्यामुळे नाही तर या लोकांमुळे आज विधिमंडळाची बदनामी होत आहे, अशी प्रतिक्रिया संजय राऊत यांनी व्यक्त केली आहे.

हे सुद्धा वाचा

PCMC: काय सांगतोय पुणे निवडणूकीचा एक्झिट पोल; कसब्यात रवींद्र धंगेकर येणार, चिंचवडमध्ये कमळ फुलणार?

तुम्हाला देश सतत पेटता ठेवायचा आहे का? हिंदू संस्कृतीला खुजेपणा आणू नका; सर्वोच्च न्यायालयाने केंद्राचे कान टोचले

राऊतांच्या जिभेला करवंदीचा काटा टोचायला हवा; संजय राऊतांवर हक्कभंगाची कारवाई