गुवाहाटीतून सुरतमध्ये ‘रात्रीस खेळ‘चाले

टीम लय भारी

मुंबईः एकनाथ शिंदे अचानक गुजरातला जावून आल्याची माहिती समोर आली आहे. शिंदे अचानक गुजरातला कशासाठी गेले होते. ते कोणाला भेटले याची उत्सुकता सर्वांना लागली आहे. विधानसभा निवडणुकांचा निकाल लागल्यानंतर एकनाथ शिंदे शिवसेनेच्या बंडखोर आमदारांना घेवून सुरतला गेले. त्यानंतर दोन दिवसांनी त्यांनी आसामची राजधानी गुवाहटीमध्ये आपला डेरा हलवला. मात्र या प्रकरणाची सूत्रे ही गुजरातमधूनच हलवली जात असल्याचा संशय बळावला आहे. कारण गुवाहटीमधून काल रात्री एकनाथ शिंदे हे रात्री अचानक गुजरातला गेले होते. तसेच काल सकाळी देखील काही तासांसाठी कार मधून बाहेर गेले होते. ते कोणाला भेटतात. या बाबत या गटाने कमालीची गुप्तता बाळगली आहे.

एकनाथ शिंदे बंडखोर आमदारांचा आत्मविश्वास वाढवण्याचे काम करत आहेत.रात्रीच्या वेळी एकनाथ शिंदे बंडखोर आमदारांची त्यांच्या रुममध्ये जावून विचारपूस करतात. त्यांच्याशी चर्चा करतात. त्यांना काय हवे नको ते पाहतात. त्यामुळे तिकडे गेले आमदार एकदम मजेत आहेत.

महाराष्ट्राला खाली आणण्याच्या कामात गुजरातची मदत घेणे ही गोष्ट लाजीरवाणी आहे. कारण बाळासाहेब ठाकरेंनी नेहमीच मराठी माणसांसाठी लढा दिला. मुंबई गुजरातला जोडण्याचा डाव हाणून पाडला होता. त्याच शिवसेनेतले नेते महाराष्ट्राचे राजकारण गुजरातमधून करत आहेत. हे मराठी माणसासाठी वेदनादायक आहे.

हे सुध्दा वाचा:

VIDEO : एकनाथ शिंदेंचा हा व्हिडीओ पाहा, अन् काय वाटले ते सांगा…

‘एनसीपी’सोबत काम करतांना आमची घुसमट होते !